في البداية مش عايزة كلامي يكون مجرد كلام إنشاء او مجرد كلام عابر بنسمعه يوميا نفسي كلامي يوصل لقلب كل مسلم ومسلمة لكل انسان جواه شئ من العاطفة والحب للغير
مشكلة الكثيرين وهي سبب في تأخرنا كتير اوووي هي ان كل واحد بيقول وانا مالي يعني هو انا اللي حصلح الكون والاوحش من كده انه يقولك طيب ماتشوف فلان اللي الكل بيقول عليه مصلح شايف بيعمل ايه
ليه مش نتغير ليه مش تكون إيجابي
التغير بقي يكون تغيير في المفاهيم تغيير العاطفة وتنميتها تنمية إيجابية
حتقولو لي ازاي ودي بشوفها في رسائل كتير بتوصلني
حقولكم ربنا حبانا كلنا بأعين تري ولسان بيتكلم وعقل يعي ما يقال وقلب ينبض
في منا ربنا فضله بلغه اجنبيه
طيب ما نكون ايجابين وننمي كل حاسه بمعني
انا ربنا فضلني بلسان وعرفت خير معين ليه مش انشره ليه مش احدث بيه كل من اراه
ربنا استخدمني لعمل معين ليه اجعل العمل ده قاصر عليا انا بس ليه مش انشره
ربنا اعطاني لغه ليه مش ادعو الناس بلغه دي
ليه منغيرش المفاهيم
جايز اللي كلامك حيوصله كان محتاج يسمعه في الوقت ده
جايز اللي حتوصله عملك محتاج يعمله في الوقت ده
اصدق الله في نواياك يصدقك
أشكر الله بعملك تصدق ببدنك
مرة كنت في احد الدروس وفي بنت شبهت عليها اني اعرفها قبل كده وبصراحة قعدت افكر شوفتها فين وطبعا لاني طبيعتي مش بسكت رحت لحد عندها قلت لها انا اعرفك قالت لي وانا كمان وقعدت تقولي اماكن ممكن نكون شوفنا بعض فيها
فقلت لها لا انتي كنتي بتلعبي اللعبة الفلانية قالت لي اه في اي نادي قالت لي كذا قلت لها يبقي انا كنت معاكي بنفس الفريق مع المدرب الفلاني قالت لي فعلا
طبعا هي شكلها اتغير كتير كانت زمان مش محجبة دلوقتي بتلبس الحجاب الشرعي
كانت زمان مش بتتكلم معايا لان لها شله خاصة بيها
جمعنا الله في مكان اخر من اطهر الاماكن ابتديت اسألها عن احوالها فقلت لها بجد نفسي نتقابل كتير ايه رأيك في رحلة قريبة انا عملاها مع ايتام ومسنات لاقيتها دمعت ومسكت ايدي وقالت لي بجددددددددددد
انا ادعو الله كتير اني اروح اتطوع في حاجات زي دي ولكن مش عارفة الطريق فقلت الله صدقت نيتك
سبحان الله قدر
اخري كلمتني وقالت لي من زمان نفسي اشارك في عمل خير ومش عارفة نفسي اكون مسؤله عن اسرة اساعدهم واقضي لهم حوائجهم
احمدي الله واحمد الله ان الله فضلك ع خلق كثير اختصك بعبادة ليه مش تنشرها
اه والكلام اللي بيتقال في نفس كتير من الناس
لالا بلاش اقول اني بعمل العمل الفلاني علشان مش يكون رياء
طيب اسأل نفسك هل حتعمل نفس العمل من غير ما الناس تعرف انك عملته لو الاجابة بنعم يبقي انت بتدعو للخير والشيطان بيلعب لعبته معاك
لو الاجابة لا مش حعمله لوحدي بدون مايعرف حد يبقي رياء
الاسلام دين جميل واحنا عارفين كده طبعا طيب وبعدين ليه لما بتشوف الغلط مش بتقول هل ستقتل عندما تقول لا او حتي الشئ ده غلط
كن إيجابي وانشر دينك
كن إيجابي وانشر الخير
في زمن سيدنا عمر بن عبد العزيز ماكنش فيه فقير لان كل الناس بتدفع الصدقات والزكاة
طيب ليه متدعوش للتصدق
كلامي مش مرتب بس لازم اقول الكلام ده يمكن حد يفوق يمكن شخص محتاجه في الوقت ده
كل واحد يفكر في كلامي ويعرف ايه الموهبه اللي اعطاها ليه الله ويخدم دينه من خلالها ويدعو بها
الحمد بلسانك ولكن شكر الله لا يأتي الا بعمل يحبه الله تشكره فيه عن نعمة وهبها لك
السلام عليكم ورحمه الله وبركاته
حقيقى فى كثير نفسه يشارك بس مش عارف وممكن اللى متخيله مش هيوافق لو كلمته بس وعرضت عليه هتلاقيه كان نفسه يشارك بس ما حدش شجعه او قاله الطريق قبن او ازاى بس احنا بنكسل ناخد حد معانا
السلام عليكم ورحمة الله وبركاته
انا اول مرة اشارك معاكوا
و بجد و الله انتوا جروب يجنن
انا كان نفسى من زمان يبقى لى اى نشاط خيرى
بس مش عارفه اعمل ايه
انا حاسه انى جوايا طاقه و نفسى حد يساعدنى استغلها صح
و حاسه ان ربنا قدر لى انى اشترك معاكم عشان يدلنى ع الطريق
لانى بجد محتاجه صحبه صالحه تعيننى
على فكره انا من القاهره و نفسى اشارك معاكم فى اى عمل خيرى ان شاء الله
سلام عليكم
السلام عليكم ورحمة الله وبركاته
ازيكم عاملين ايه
المنتدي فوق الرائع واحلي ما فيه انه يقدر يجذب العديدين لانه موضوعاته مختلفة ومتنوعة وانا قعدت فترة كبيرة مشاهدة فقط لحد ما حسيت ان انا عاوزة اشارك وخصوصا بعد اول مرة دخلت فيها علي قسم المساعدات والانشطة الخيرية
كان نفسي من زمان اشارك في اي عمل خيري لكن مش كنت عارفة الطريق والحمد لله اعتقد ان انا عرفته بس كل حاجة في الاول بتبقي عاوزة صبر ومشاركة وزي ما انتم عارفين اي عمل خير بيحتاج دايما جماعة ودايما محتاج تواصل ومعاش انا طولت عليكم بس الواحد حاسس انه فيه ناس ممكن يتكلم ويسمعوه وجزاكم الله خير علي هذا المجهود واتمني اتواصل معاكم
وحقيقي احببتكم جميعا في الله
كن إيجابيا
