النتائج 1 إلى 1 من 1

الموضوع: بالصور - مناطق على وجه الأرض ممنوع زيارتها

  1. #1
    عضو مميز
    رقم العضوية : 83067
    تاريخ التسجيل : Sep 2014
    المشاركات: 666
    التقييم: 10

    افتراضي بالصور - مناطق على وجه الأرض ممنوع زيارتها

    مناطق على وجه الأرض ممنوع زيارتها


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    - جزيرة رامري في بورما
    الجزيرة دي معروف عنها ان فيها تمسايح الميّه المالحة و اللي بتُعتبر من أخطر التماسيح في العالم ... ساعة الحرب العالمية الأولى ، القوات البريطانية كانت بتحارب القوات اليابانية فالجنود اليابانيين كانو عايزين يعدّو الناحية التانية فـ عادي نزلو في الميّه دي ...
    ميعرفوش ان فيها كميات كبيرة جدا من التماسيح .. مافيش كام دقيقة و لقو نفسهم متحاوطين من كل حته بالتماسيح اللي أكييد فضلت حبّة حليون بعدها شبعانة من كتر اليابانيين اللي أكلتهم ... ضحايا الحادثة دي كانو بين 700-1000 جندي ياباني ، ماتو كلهم بنفس الطريقة و هي انهم كانو غدا للتماسيح و من ساعتها و المكان ده دخل موسوعة جينيس لأنه بقى صاحب أكبر عدد ضحايا ..
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    - مركز عمليات الطوارئ ماونت ويزر
    دي وحدة موجودة في ولاية فرجينيا في أمريكا و معمولة عشان تنقل أي حد من المسئولين الكبار في البلد لو حصل كارثة و لا حاجة .. الوحدة مساحتها صغيرة نوعا ما فوق الارض بس تحت الارض مساحتها بتوصل لـ 192 كم مربع .. صرّحو قبل كده و قالو ان ساعة ضرب البرجين في 11 سبتمبر ، معظم أعضاء الكونجرس نقلوهم هناك و أكييد مش بالسهل كده اي حد يدخله طبعا الا إذا كان مسموحله بدخولها ..

    - جزيرة سينتيل في الهند
    الجزيرة دي أهلها معزولين عن باقي البشر و العالم بحاله من حوالي 60 ألف سنة و رافضين انهم يختلطو بأي حد غريب عنهم و أي حد بيهوّب ناحيتهم بيقتلوه من غير أي كلام .. و فيه في مرة مركب تاهت و حظهم الاسود انهم تاهو عند الجزيرة و طبعا اهل الجزيرة استلموهم في ساعتها و خلّصو عليهم نفر نفر .. الهند بعدها طلّعت بيان و قالت ان الحته دي ممنوع حد يروحها .. و انتو أحرار بقى !

    - جزيرة جرينارد
    الحكومة البريطانية اشترت الجزيرة دي من اسكتلندا عشان يعملو عليها تجارب لأسلحة بيولوجية اللي بيطوروها .. في مرة و هما بيجربو الـ Anthrax اللي هو الجمرة الخبيثة ، إكتشفو المصيبة السودة اللي عملوها و هي ان الجزيرة كلها بقت ملوثة بالجمرة الخبيثة .. و لحد سنة 1980 الجزيرة دي كانت من اخطر الأماكن اللي موجودة في العالم .. و بعدها بـ 6 سنين العلماء قالو لازم ننضف اللي عملناه و راحو هناك ونضّفوها و أعلنو سنة 1990 انها بقت نضيفة و تمام الحمد لله و اللي عايز ييجي يتفضل اهلا و سهلا .. بس طبعا الناس قالت لأ مش هنروح و رغم انهم قالو انها بقت جزيرة عادية .. ماحدش رضى يروح هناك لحد دلوقتي ..
    الخبراء حذرو ان ممكن يكون لسه فيه شوية حاجات كده من اثار المرض ده هناك و ان البشر اساسا ممكن ما ينفعش يعيشو هناك لـ كذا 100 سنة .. ( نروح يعني ولا منروحش ؟!! إرسولكو على بر !! )

    - الغرفة 39 في كوريا الشمالية
    دي منطقة تبع الحكومة و بيقولو ان بيحصل فيها حاجات غير مشروعة زي مثلا التزوير و تهريب المخدرات و ممنوع منعًا باتا على اي كوري انه يروح هناك او يقرّب منها حتى عشان ممكن يشوف حاجة كده و لا كده فساعتها هيفضح الدنيا .. هو أي نعم هيتنفخ قبلها .. بس برده مش عايزين لبش ..

    - المنطقة 51
    موجودة في ولاية نيفادا في أمريكا و الصراحة ماحدش يعرف هي بتاعة ايه و لا معمولة ليه بس هي منطقة سرية و ممنوع حد يروح هناك و فيه تحذيرات كتيييييييييييييييييير اوووي معمولة و يفط كتير على مسافات قريبة و متباعدة للتحذير من انك تدخل حدود المنطقة دي .. ناس كتير بتجوّد و بتقول ان ليها علاقة بالفضائيين و كلام من ده و خلاص اقتنعو بكده و حطوها في أفلامهم في الخانة دي ( انها تبع تجارب تخص الفضائيين ) ، بس ماحدش عارف ... هي سرية كده و خلاص ..

    - منشأة باين جاب في استراليا
    دي استراليا و أمريكا عاملينها سوا و أي مكان فيه كلمة Pine Gap في أستراليا
    يبقى معناها انها محطة فضائية و المجال الجوي اللي حواليها مقفول تماما .. ليه برده الله أعلم !! ... الناس بتقول ان الموضوع مش موضوع محطة فضاء و بس .. الموضوع أكبر من كده بس احنا اللي حتى لو ايه مش هنعرف برده ..

    - خزنة البذور العالمية
    الخزنة دي مكانها في النرويج و دي إتعملت مخصوص عشان تحفظ كل البذور بتاعة كل أنواع النباتات في العالم لو لا قدر الله حصل كارثة طبيعية أو حرب عالمية أو أي حاجة تهدد البشر . . الخزنة دي موجودة جوه جبل و متأمنة لدرجة ان لو اتضرب صاروخ في الجبل الخزنة هتفضل زي ما هي محمية وما تتأثرش ..

    - شبكة المترو 2
    دي موجودة في روسيا و بناها جوزيف ستالين عشان القوات السرية الروسية تستخدمها .. و طولها اطول من طول شبكة المترو الرئيسية اللي الناس العادية بتستخدمها و عبارة عن 4 خطوط طولهم 200 متر .. و بتربط بين الكرملين و الأمن الفيدرالي و أماكن حكومية تانية مهمة و المسئول عن الشبكة دي هي وزارة الدفاع و طبعا استحالة أي انسان عادي يدخل المكان ده إلا اذا كان مصرّحله انه يدخله .. و اللي اكتشف الشبكة دي مجموعة مستكشفين بالاشتراك مع المخابرات الأمريكية ...

    - جزيرة التعابين
    موجودة على مسافة 150 كم من ساحل ساو باولو في البرازيل .. و دي للوهله الأولى اللي يشوفها يقول عليها وهمية لأن فعلا من بعيييييد منظرها تحفة .. هي المشكلة بس فيها ذات نفسها .. الجزيرة عبارة عن 450 كم مربع و متلغمة تعابين .. حوالي 4000 من أخطر أنواع التعابين اللي في العالم .. فيهم تعبان اسمه ( صاحب راس الحربة الدهبية ) و عضة واحدة منه أكبر 5 مرات من أي تعبان تاني و طبعا سهل جدا ان عضته تموّت اللي هييجي في طريقه .. الحكومة وش كده منعت زيارة الجزيرة دي تماما و الناس هي اللي اطلقت عليها جزيرة التعابين .. ( هي ليها اسم تاني بس مش عارفة أنطقه و بالتاي مش هعرف أكتبه ) .

    - خزنة الوصفة السرية لكوكاكولا
    في جورجيا - أتلانتا في أمريكا .. الخزنة فيها الوصفة السرية لكوكاكولا من سنة 1886 و دي موجودة جوه المعرض بتاع كوكاكولا .. المعرض متاح للزوار عادي بس الخزنة ممنوع حد ييجي عندها طبعا .. الوصفة كانت معروفة لناس قليلة جدااا قبل ما تتكتب و تتحفظ في بنك سنة 1925 و فضلت هناك لحد أما بنو الخزنة دي سنة 2010 ..


    التعديل الأخير تم بواسطة نور اسلامنا ; 23-10-18 الساعة 07:43 AM

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •