نصائح مطبخية رووووعة

* عشان الشوربة بتاعتك تبقى خرافة اعملي الحركة دي وادعيلي بجد
بعد ما اللحمة او الفراخ تستوي تاخدي البصلة الي في الشوربة وتهرسيها بشوكة في طاسة ع النار مع معلقة سمنة بلدي ورشة ملح وفلفل اسود وحمريها شوية وانزلي عليها بالشوربة
وادعووووووووووولي عالريحة الي هتملى العمارة والطعم
اي لحمه او فراخ تسلقيها متشليهاش دايركت من الميه بتاعتها خليها نص ساعه بدون نار في الشوربه علشان اللحمه تبقى جميله

* بحطها مع الشوربه دااااااايما والخلطة دى بجد
بتغير طعم الشوربه 180 درجه
(ورقتين لورى + قرنفل + فلفل اسود + كمون + كسبرة شويه صغيرين + عود قرفة صغير + نعناع ناعم شويه صغيرين + مستكة + حبهان + روزمارى) كلهم تطحنيهم مع بعض
وتفرغيهم فى برطمان وتضيفى على اى شوربه بتعمليها بيديها طعم وريحه خرااااااافه

* شوربه اللسان العصفور:
هيا حاجة بسيطه خالص باعملها بس الشكل والطعم بيكون مختلف
باحمر اللسان مع فصين حبهان
وما باغطيش الحله بعد ما باعمل الشوربه أو نصف متغطيه عشان ماتنفشش وتنشى

* وانتوا بتسلقوا الفراخ او اللحمة تقطعوا عروق الكرفس بتشيل الزفارة وبتدي ريحة وطعم رائع للشوربة

* عايز اقوللك اني بعصر نص لمونه وبقطع ربع بصله وارميها في شوربه الفراخ وهي بتستوي بتدي طعم وريحه جناااااااان

* وانتي بتقلي البانيه حطي معلقه سمنه على الزيت بتخليه ميفصلش القشره ومتبقاش مشققه
والبانيه حطي علي التتبيله علبه زبادي ومعلقه خل علشان يبقي طري من جوه ويستوي بسرعه

يمكنك الرد هنا عبر حسابك في فيس بوك دون الحاجة للتسجيل بالمنتدى ( انتظر التحميل )