النتائج 1 إلى 4 من 4
Like Tree5Likes
  • 3 Post By د. أحمد مراد
  • 1 Post By شمعة أمل

الموضوع: عيان يا ضاكتور :)

  1. #1

    رقم العضوية : 1
    تاريخ التسجيل : Mar 2008
    المشاركات: 3,838
    التقييم: 10
    الدولة : مصر
    العمل : طبيب
    الجنـس : Man
    الهوايه : الأدب

    افتراضي عيان يا ضاكتور :)

    عيان يا ضاكتور نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    - بص يا ضاكتور .. السنة اللي فاتت زي دلوقتي وقعت على رجلي اليمين
    - يا ستير .. اتكسرت أو اتجبست ؟
    - لا اصبر عليا .. وانا باقع سندت على ايدي اليمين برضه
    - ايدك اتلوت تحتك ؟
    - لا اصبر بس .. ابن اختي كان معدي اتكعبل فيا ووقع على وشه
    - كان في ايده حاجة تقيلة وقعت عليك ؟
    - لا هاقولك أهو .. احنا الاتنين ربنا سترها معانا ومحصلش حاجة
    - !!!!!
    - المهم رحنا المستشفى نطمن طلبو تحليل دم
    - ؟؟؟
    - طلع عندنا تيفود
    - ايوة يعني التيفود كان عامل لكم ضعف وهبوط ودايخين علشان كده وقعتم ؟
    - لا خالص اصبر بس
    - صبرني يارب .. احنا لسة في السنة اللي فاتت يا حاج وفيه عيانين بره كتير
    - حاضر هاقولك علطول .. خدنا علاج التيفود بس لما خلصناه الضاكتور حسونة بتاع الصيدلية قالنا العلاج ده غلط اصلا وممكن يكون التيفود موجود ومتعالجش لسة
    - متأكد إن الدكتور الصيدلي اسمه حسونة ؟
    - لا هو دبلون صنايع بس بيفهم أحسن من أيتها ضاكتور
    - ما علينا .. كتب لك علاج تاني وخدته وخفيت .. ايه بقي اللي حصل السنة دي ؟
    - لا ابن الكلب غلط معانا احنا لأول مرة في حياته
    - ماشي يا حاج عكيتو في العلاج وربنا بعت لكم دكتور ابن حلال ظبط المسائل .. انت بقى جاي لي النهاردة ليه ؟
    - الصبر يا ضاكتور انا قاطع تذكرة اقتصادي بتلاتة جنيه ونص
    - بتخلص حقك يعني ؟ .. المهم كمل بس بسرعة الله يخليهم لك
    - احنا كنا فين لما وقعت صح ؟
    - ابوس ايدك .. احنا عدينا حسونة وخلصنا حكايته
    - آه البت زينات بقي لما عملت الملوخية وبردت منها من غير ما تغطيها كانت هي السبب
    - آه فعلا دي الحقيقة
    - أومال الضاكتور حنفي قالنا لا ليه ؟
    - ده واقف في انهي خرابة ؟
    - لا ده مش صيدلي ده لا مؤاخذة بيطري وهو بيكشف على الجاموسة قلنا نسأله
    - كلامه مضبوط وبعدين ؟
    - والله حاسس انك بتاخدني على قد عقلي
    - باقولك ايه يا حاج .. انا يوم الجمعة بابقي فاضي اديك نمرة تليفوني ولا اقولك هات نمرة تليفونك وانا اتصل بيك ومش هاغرمك .. تحكي لي القصة دي ولما تخلصها تيجي تاني يوم وتاخد العلاج بتاعها
    - يا بني انا مش جاي علشان كده
    - أومال يا حاج جاي ليه
    - أنا عايز بس دوا الكحة بتاعكم تكتبه لي على تذكرة لأني مش باخف غير عليه
    - !!!!

  2. #2
    عضو متألق
    رقم العضوية : 22898
    تاريخ التسجيل : Oct 2009
    المشاركات: 4,161
    التقييم: 10
    الدولة : مصر
    الجنـس : Woman

    افتراضي

    أضحك الله سنكم دكتور أحمد

  3. #3
    عضو جديد
    رقم العضوية : 84812
    تاريخ التسجيل : May 2017
    المشاركات: 9
    التقييم: 10

    افتراضي

    ههههههههه أضحك الله سنك
    رائعة ��

  4. #4
    عضو جديد
    رقم العضوية : 4683
    تاريخ التسجيل : Aug 2008
    المشاركات: 9
    التقييم: 10
    الجنـس : Women

    افتراضي

    د / احمد
    شر البلية مايضحك رسمت لبطل القصه صورة كاريكاتيرية اضحكت القارئ عليها
    لكنك القيت الضوء من خلالها على خلل موجود فى مجتمعنا عامة وليس مقتصر على الفلاح
    البسيط الذى لم يكن له نصيب من التعليم
    شكرا لك

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •