النتائج 1 إلى 7 من 7

الموضوع: بيتزا من صنع إيديا وحياة عينيا

  1. #1
    عضو متألق
    رقم العضوية : 1443
    تاريخ التسجيل : Apr 2008
    المشاركات: 1,480
    التقييم: 10
    الدولة : مصر
    الجنـس : Man
    الهوايه : القراءة برامج الجرافيك و الخط العربي

    Thumbs up بيتزا من صنع إيديا وحياة عينيا

    خطيبك جاي لك البيت النهاردة واتفق معاكي إن مفيش خروج النهاردة؛ لأنه آخر الشهر ومفيش فلوس..

    وطلب منك تعملي له على الغذاء بيتزا زي اللي بيعزمك عليها برة..

    طبعا إنت قُلتِ: حاضر وقاعدة بينك وبين نفسك تقولي هو إيه اللي حصل في دماغه بيتزا إيه اللي عايزها دي؟ هو أنا بعرف أعمل الأكل العادي لما هاعرف أعمل بيتزا!!!

    وطبعا لو فكرتِ إنك تشتريها من بره هيعرف وأكيد هيزعل؛ لأنك كذبتِ عليه وهيبقى موقف مش لطيف...

    يبقى مفيش قُدامك حل غير إنك تتعلميها بنفسك

    قررنا إننا نقتحم كبرى محلات البيتزا ونجيب لك منهم أحسن الطرق لعمل البيتزا..

    يلا نعمل البيتزا مع بعض..

    هنبتدي بإيه
    دلوقتي احنا دخلنا المطبخ وهنبدأ نجهز طلبات البيتزا وأول حاجة هتجهزيها هي عجينة البيتزا، لأنها محتاجة وقت علشان العجينة تخمر، وبيني وبينك كده فيه أكتر من طريقة لعمل عجينة البيتزا يعني فيه ناس بتعملها ببيض ولبن وفيه ناس بتعملها من غير بيض ولا لبن، واحنا هنقولك على الطريقتين واللي يعجبك فيهم اعمليه..

    العجينة على طريقة نابولي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    المقادير:
    • 3 أكواب دقيق
    • 2 ملعقة خميرة بيرة
    • 2/1ملعقة صغيرة ملح
    • كوب ماء دافئ
    • 3معالق كبيرة زيت ذرة
    الطريقة:
    1- اخلطي كوب ونصف دقيق مع الخميرة والملح وبعد كده ضيفي الميه والزيت، واضربيهم كلهم بمضرب البيض الكهربائي على سرعة عالية لمدة 3 دقائق.
    2- ضيفي باقي الدقيق إلى الخليط السابق وقلبيه باستخدام ملعقة خشبية.
    3- انقلي العجينة على رخامة المطبخ أو على لوح خشبي وابدئي في عجنها بإيدك لغاية ما تلاقيها بقت طرية ومطاطة وسهلة التشكيل على شكل دوائر كبيرة.
    4- انقلي العجينة إلى الطبق البلاستيك أو طبق زجاجي كبير وادهنيها بالزيت وغطيها بقطعة قماش وسيبيها في مكان دافي لمدة ساعتين علشان تخمر وحجمها يزيد...

    العجينة على طريقة ملاينو
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    المقادير:
    • 2 كوب دقيق
    • 2 بيضة
    • 2 معلقة زبدة
    • كوب لبن
    • ذرة ملح وفلفل
    • 2 معلقة خميرة بيرة
    • 2/1معلقة سكر
    الطريقة:
    1- اخلطي الخميرة مع السكر.
    2- هاتي طبق زجاج أو بلاستيك كبير وحطي فيه السمنة واضربيها بالمضرب الكهربائي وبعد كده ضيفي إليها باقي المقادير والخميرة والسكر واضربيهم مع بعض بالمضرب هتلاقي إن العجينة بقت جامدة شيلي المضرب واعجني العجينة بإيدك لغاية ما تلاقيها بقت طرية ومطاطة غطيها وسيبيها لمدة 3 ساعات عشان تخمر.
    بس يا ستي دول كانوا أشهر طريقتين لعمل عجينة البيتزا في إيطاليا وحبيت أقولهم في الأول لأن زي ما إنت عارفة إن أهم حاجة في البيتزا هي العجينة وعلى فكرة العجينة دي هتستخدميها في عمل أي نوع إنت عايزاه من أنواع البيتزا..
    وفيه حاجة تانية مهمة لازم تكوني عارفاها علشان هتحتاجيها في عمل كل نوع من أنواع البيتزا وهي..

    صلصة البيتزا
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    المقادير:
    • 4 حبات طماطم مقشرة ومقطعة مكعبات صغيرة
    • 4 ملاعق كبيرة معجون طماطم
    • 2 ملعقة كبيرة زيت ذرة
    • 1 ملعقة صغيرة زعتر جاف ومطحون
    • 1 ملعقة صغيرة أوريجانو، أو نعناع، جاف ومطحون
    • 1 ملعقة كبيرة ملح وفلفل
    الطريقة:
    1. سخني الزيت في طاسة على نار هادية، وبعد كده ضيفي الطماطم ومعجون الطماطم والزعتر والأوريجانو أو النعناع و4/3 كوب ماء وسيبي الخليط على النار لمدة نص ساعة علشان يتسبك...
    بعد ما تلاقيه اتسبّك أو بقى تقيل شيليه من على البوتجاز واستخدميه في عمل البيتزا زي ما قلنا.
    ودلوقتي هنعرف ازاي تعملي كل نوع بيتزا

    بيتزا بالخضروات
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    المقادير:
    • عجينة بيتزا
    • 1 حبة فلفل أخضر مقطعة مكعبات أو عيدان
    • 2/1 كوب صلصة بيتزا أو "معجون طماطم"
    • 2 حبة طماطم مقطعة قطع صغيرة أو حلقات
    • بصلة متوسطة الحجم مقطعة حلقات
    • 1 كوب عيش الغراب شرائح
    • 2 فص ثوم مفروم
    • 1 ملعقة صغيرة زعتر
    • 2/1 كوب جبنة موتزاريلا مبشورة
    • 2/1 ملعقة صغيرة فلفل أسود
    • عرقان من الكرفس مقطعان قطعا صغيرة
    • زيتون أسود مقطع دوائر
    • أوراق ريحان للزينة "حسب الرغبة"
    الطريقة:
    1- قطعي عجينة البيتزا إلى قطع صغيرة مدوّرة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
    2- ضيفي صلصلة البيتزا فوق العجينة ورشي الثوم المفروم وضيفي الفلفل الأخضر والطماطم والبصل والكرفس والزيتون الأسود وعيش الغراب ورشي الفلفل الأسود وقطعي البيتزا على شكل مثلثات.
    3- رشي الجبنة الموتزاريلا والزعتر من على السطح.
    4- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها، واوعي تاكلي صوابعك وراها.

    بيتزا بالسجق
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    المقادير:
    • عجينة بيتزا
    • 1 حبة فلفل أخضر مقطعة مكعبات أو عيدان
    • 2/1 كوب صلصة بيتزا أو معجون طماطم
    • بصلة متوسطة الحجم مقطعة حلقات
    • 2 فص ثوم مفروم
    • 2/1كوب جبنة موتزاريلا مبشورة
    • 2/1 ملعقة صغيرة فلفل أسود
    • عرقان من الكرفس مقطعان قطعا صغيرة جدا
    • سجق مقطع
    • 2/1 كوب زيتون أسود أو أخضر مقطع شرائح
    الطريقة:
    1- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
    2- ضيفي صلصلة البيتزا فوق العجينة ورشي الثوم المفروم وضيفي الفلفل الأخضر والبصل والكرفس والزيتون الأسود والسجق ورشي الفلفل الأسود.
    3- رشي الجبنة الموتزاريلا والزعتر على السطح وقطعي البيتزا على شكل مثلثات.
    4- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.

    يبتزا باللحمة المفرومة وعيش الغراب
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    المقادير:
    • عجينة بيتزا
    • ربع كيلو لحم مفرومة
    • 1كوب عيش الغراب شرائح
    • 1حبة فلفل أخضر،مقطعة قطعا صغيرة
    • 1بصلة صغيرة مقطعة شرائح
    • 1 فص ثوم مفروم
    • 2ملعقة كبيرة معجون طماطم
    • 2كوب جبنة موتزاريلا
    • 2ملعقة كبيرة زيت ذرة
    الطريقة:
    1- قطعي البصل إلى شرائح وبعد كده سخني الزيت في طاسة كبيرة على نار هادية وابدئي في إضافة اللحمة المفرومة مع التقليب المستمر علشان اللحمة ما تلزقش منك لمدة عشرة دقائق بعد كده ضيفي عيش الغراب والبصل والثوم والفلفل الأخضر وشوية ملح وفلفل وقلبيهم كلهم مع بعض وسيبيهم على النار حوالي 10 دقائق كمان.
    2- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
    3- ضيفي صلصلة البيتزا فوق العجينة وبعد كده رشي عليها خليط اللحمة المفرومة اللي عملتيه عليها ورشي الجبنة الموتزاريلا على السطح البيتزا وقطعي البيتزا على شكل مثلثات.
    4- سخني الفرن على درجة حرارة "220 – 200 ْ مئوية" بعد كده دخلي الصينية في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.

    بيتزا بالجمبري
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    المقادير:
    • عجينة بيتزا
    • نص كيلو جمبري متوسط مقشر.
    • 4 ملاعق صلصة بيتزا أو معجون الطماطم
    • 1فص ثوم مفروم ناعم
    • 2/1حبة فلفل أخضر مقطع مكعبات صغيرة
    • 2/1 حبة فلفل أحمر أو فلفل حار مقطع مكعبات صغيرة
    • 1حبة طماطم مقطع مكعبات صغيرة
    • 1 بصلة مقطعة شراح
    • 1كوب جبنة موتزاريلا مبشورة
    • 2/1كوب جبنة شيدر مبشورة
    • 2ملعقة كبيرة زيت ذرة
    • ملح وفلفل
    • نص حزمة كرفس.
    الطريقة:
    1- هات الجمبري ونظفيه كويس واغسليه أكتر من مرة وبعد كده ضيفي إليه الثوم المدقوق مع الملح والفلفل.
    2- سخني الزيت في طاسة على نار عالية وبعد كده ضيفي إليه الجمبري والثوم مع التقليب لغاية ما لون الجمبري يتحول إلى اللون البرتقالي.
    3- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك قبل ما تحطيها تدهني الصينية بالزيت.
    4- تضاف صلصة البيتزا فوق العجينة ثم يضاف الجمبري ثم يضاف الفلفل الأحمر والأخضر والطماطم والبصل وترش الجبنة الموتزاريلا والشيدر من على السطح وتقطع البيتزا على شكل مثلثاث.
    5- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
    وعلى فكرة طريقة عمل "بيتزا السي فوود" شبه طريقة عمل "بيتزا الجمبري" بس كل الحكاية إنك هتضيفي إلى المقادير "كابوريا مقشرة" و"سبيط مسلوق"

    بيتزا بالفراخ
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    المقادير:
    • عجينة بيتزا
    • 2/1 كوب صلصة بيتزا أو معجون طماطم
    • 2/1 كوب ريحان أخضر الأوراق فقط "اختياري"
    • 2/1كيلو صدور دجاج
    • 2 ملعقة كبيرة زيت زيتون
    • 2/1 كوب جبنة رومي مبشورة أو بارميزان
    • 2/1 كوب جبنة موتزاريلا مبشورة
    • 1 كوب عيش الغراب أو شرائح زيتون أخضر
    • ملح وفلفل
    • بصلة صغيرة مقطعة قطع صغيرة

    الطريقة:
    1- قطعي صدور الفراخ إلى قطع متوسطة الحجم وتبليها بالملح والفلفل والبصلة الصغيرة وسيبيها لمدة ساعة ونص وبعد كده شيليها من البصل.
    2- سخني زيت الزيتون في طاسة على نار متوسطة وبعد كده ضيفي إليها الفراخ مع التقليب لغاية ما تحسي إن الفراخ بدأت تستوي اطفي البوتاجاز.
    3- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا، وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
    4- رشي صلصة البيتزا على العجينة وضيفي إليها قطع الدجاج وبعد كده رشي عليها عيش الغراب أو الزيتون ونصف كمية أوراق الريحان. واخلطي الجبن الموتزاريلا والجبن البارميزان وبعد كده رشيهم على سطح البيتزا وقطعي البيتزا على شكل مثلثات.
    5- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.

    منقول
    و ربنا يســـــــــــــــــــــــــتر

  2. #2
    عضو متألق
    رقم العضوية : 356
    تاريخ التسجيل : Mar 2008
    المشاركات: 1,217
    التقييم: 10
    الجنـس : Woman

    افتراضي

    بارك الله فيكم

  3. #3
    عضو متألق
    رقم العضوية : 172
    تاريخ التسجيل : Mar 2008
    المشاركات: 5,489
    التقييم: 10
    الجنـس : Man

    افتراضي

    جزاكم الله خيراً

    وطب إللي مش خاطب
    نفس الطريقه برضو

  4. #4
    عضو متألق
    رقم العضوية : 1443
    تاريخ التسجيل : Apr 2008
    المشاركات: 1,480
    التقييم: 10
    الدولة : مصر
    الجنـس : Man

    افتراضي عش الغراب

    اقتباس المشاركة الأصلية كتبت بواسطة د.دلال أحمد مشاهدة المشاركة
    جزاك الله خيرا واسكنك فسيح جناته

    ان شاء الله نجربها و على فكرة انا من محبي البيتزا و اعرف كيف اهيأها بطرق كثيرة بس انت جبت لنا طرق جديدة جزاك الله خيرا

    بس يا ريت اعرف ايه هو عش الغرابنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    اختي في الله
    د.دلال أحمد

    هذا ملف وورد يتكلم عن عش الغراب

    للتحمــــــــــــــــيل

    وجزاك الله خيرا

  5. #5
    عضو جديد
    رقم العضوية : 3676
    تاريخ التسجيل : Jul 2008
    المشاركات: 19
    التقييم: 10
    الجنـس : Man

    افتراضي

    السلام عليكم ورحمة الله وبركاته
    شكرا جدا للوصفات الجميلة دى وجزاكم الله خير
    شكلها تفتح النفس بصراحة وان شاء الله بجربها وربنا يستر .

  6. #6
    عضو متألق
    رقم العضوية : 745
    تاريخ التسجيل : Mar 2008
    المشاركات: 2,967
    التقييم: 10
    الدولة : مصر
    الجنـس : Woman

    افتراضي

    السلام عليكم ورحمة الله وبركاته
    جزاك الله خيرا

  7. #7
    عضو مميز
    رقم العضوية : 69295
    تاريخ التسجيل : Jan 2012
    المشاركات: 429
    التقييم: 10
    الجنـس : Woman

    افتراضي

    سلمت الايادى ...مجموعه بيتزا ممتازة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •