النتائج 1 إلى 2 من 2

الموضوع: أنا وإبن عمى

  1. #1
    عضو مميز
    رقم العضوية : 31749
    تاريخ التسجيل : Feb 2010
    المشاركات: 820
    التقييم: 10
    الجنـس : Woman

    افتراضي أنا وإبن عمى


    أنا وإبن عمى

    بقلم أمانى صلاح الدين


    قالوا زمان فى المثل أنا وإبن عمى ع الغريب

    دلوقتى ليه العدو ، العدو أصبــــــــــح حبيب

    دلوقتى ليه جارى بِعد والعدو أصبـــح قريب


    قلنا حنبنى وادى إحنا بنينا السور العالى

    قلنا حنقفل منافذ الخير ع الجار الغـــالى

    والكل بص وسكت الكل قال وأنا مـــالى


    ليه بنينا الجدار ليه زودنا الحصـــــار

    ليه وقفنا معاهم ونسينا أصحاب الدار

    ليه نمنا فى راحة وهما ناموا فى مرار


    الجدار مش من النهاردة الجدار كان من زمان

    لما كل واحد فينا نسى إن حواليه جيران

    لما كلنا وشبعنا ورمينا وجارنا نام جعان


    الجدار مش من النهاردة الجدار كان من سنين

    لما نسينا نفرح معاه أو نواسى فى الحزين

    لما النخوة ضاعت وظهروا المتروشيين


    الجدار لما العدل راح والظلم غلب وساد

    لما البعض منا نسى إن إحنا لله عباد

    وإن الرحمة شرع منسى والأرحام بعاد


    الجدار جوانا إحنا فى قلوب قاسية عنيدة

    الجدار فى الناس اللى بقت عن ربها بعيدة

    الجدار كبر وعلى لما نسينا تعاليمنا الحميده


    إحنا اللى علينا الجدار وخلقنا جوانا سور

    لما كبرنا الحقير والكبير فى داهية غور

    إحنا السبب فى الهم والفقر وكل الشرور


    قالوا الجدار ده سيادة وحبه قالوا ده عبادة

    اوعوا تنسوا إن كل عضو فيكوا عليه شهادة

    يوم قيامة بس ياخسارة مفــــيش إعـــــــادة


    ياللا نهدم جدار قلوبنا قبل الجدار الكبير

    ياللا نفتح للدين عقولنا يهون لينا كل عسير

    ياللا ننادى رب العباد وهو كل شئ قدير


    ياللا نرجع له بنفوس صافية وزكية

    ياللا نلجأ له بحق وبأرواح طاهرة تــقية

    ياللا ننسى كل اللى بينا ونعيش بقلوب نقية


    مصرى سورى أو كويتى أو من فلسطين

    وإن شالله يبقى فينا زى خالد او صلاح الدين

    ويحرر كل أسير وتعلى راية المسلمين


    لا حيقف قدامنا سور ولا ميت جدار وجدار

    وأنا إبن عمى حنرجع نقف فى وش الغدار

    وحننتصر حننتصر مهما طال الحصار



  2. #2
    عضو متألق
    رقم العضوية : 724
    تاريخ التسجيل : Mar 2008
    المشاركات: 1,706
    التقييم: 10
    الدولة : فوق الارض مؤقتاً
    العمل : اخصائية اجتماعية
    الجنـس : Woman

    افتراضي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •