النتائج 1 إلى 6 من 6

الموضوع: متجوز وعازب: طارق رجب محمد

  1. #1
    عضو نشيط
    رقم العضوية : 26900
    تاريخ التسجيل : Dec 2009
    المشاركات: 31
    التقييم: 10
    الجنـس : Man

    افتراضي متجوز وعازب: طارق رجب محمد

    السلام عليكم ورحمة الله وبركاته
    أنا عارف اني مقصر ف حق نور اسلامنا كتييييييييييير جدا
    بس لكل منا عذره وانا والله متابع معاكم معظم المواضيع كلها
    وحابب بس اقول انكم بجد كلكم وحشتوني جدا يا أحلي اخوة وصحبة ف الله ممكن الواحد يلقاها او يتمناها
    وانا جاي النهاردة بقصيدة اتمني انها تعجبكم وهي عبارة عن محاورة بين متجوز وعازب
    ياااااااااااااااااااااارب تعجبكم
    اه المفروض انها محاورة يعني جزء بيقوله المتجوز والجزء التاني العازب بيرد عليه
    عشان تفرقوا بس ممكن تنزلوا القصيدة من علي الرابط ده ملف ورد
    http://www.mediafire.com/?53rth4a911g56bs
    *************
    المتزوج: قالوا النسا دمهم علي قلب الرجال شربات
    وأنا صاحبي دا عازب ومقضيها اشتغالات
    أنا قلت راح تعرفوا لو تسألوا الستات
    ان الرجولة أدب مش فذلكة وعضلات
    واسأل يا سيدي بنات م اللي هنا قاعدين
    **********
    العازب: يا صاحبي يا متجوز تعالا واسألهن
    يموتوا ف السهوكة والمنظرة وف إن
    لو شالو نون النسا تبقي الحياة جنة
    كفاية بقى عكننة يا ريت يبعدوا عنا
    واسأل يا عم شباب م اللي هنا عارفين
    ***********
    هي الحياة تحلى أو تبقي من غيرهم
    من أول الرحلة عايشين علي خيرهم
    مالهمش غير احنا واحنا من غيرهم
    ما نقدر نعيش ساعتين
    **********
    عايش بقالي سنين من غير ولا واحدة
    وعرفت بدل الواحدة ييجي 300 واحدة
    ليه أتحبس مع واحدة تمسكلي ع الواحدة
    وغيرها في ملايين
    *********
    يا ابني الجواز راحة اسمعني دنا دارس
    من قبل ما اتكلم او حتي اقول عايز
    شراباتي متحضرة وهدومي مكوية
    وان قلت يا ولية القي الفطار جاهز
    ومقمرة رغيفين
    ************
    سمعت جدي زمان حكيم وذو خبرة
    قال الجواز بطيخة يا قرعة يا حمرة
    والست ممكن تعملك سلطان
    وممكن تجعلك عبرة
    دول كيدهن عظيم
    *************
    يوماتي بشرب م الهنا كاسات
    والقي الجمال جمبي من غير ما اقول هات
    أصل الحنان اصلا مخلوق من الستات
    وان مرة قلت آهات
    ألاقي ايد بتطبطب والاقي صدر حنين
    لكن انت تلقي منين
    *************
    يا حبيبي لو بتشوف طاير بدون جناحين
    لا تقولي هات مصروف ولا عايز ة أجيب فساتين
    ولا أموت أنا م الخوف لو سلقت ف يوم بيضتين
    ولا أول كل شهر بتنفض القرشين
    **********
    ما بدورشي واتسرمح ولا أكلي م الشارع
    ده يوماتي لحمة ورز والصحة ف الطالع
    وريحة الملوخية تتشم م السابع
    لكن انت ياناري عايش وحيد وحزين
    *************
    عايش وحيد لكن ف الوحدة حرية
    لا مراتي تنقطني ولا تعكنن عليا
    ولا عندي كام عيل بيمرمطوا فيا
    ولا عندي حتة حما تقلب حياتي جحيم
    **********
    مهما تقول وتعيد علي قلبنا قاعدين
    أصل الجواز مقلب لازم يشيله اتنين
    لا نقدر نتوب عنهم ولا نشتكي منهم
    طبع الرجال مساكين
    لخص وهات م الاخر وقولي عايز مين
    ***********
    عايز عروسة قمر ما تشوفش منها اتنين
    لا جمالها شافه بشر ولا مر يوم علي عين
    لا تقولي رايح فين ولا حتي جاي منين
    ولا عايزة اجيب امي تقعد معايا يومين
    عايزها نسمة هوا طايرة ما بين شطين
    تسقيني من حبها عطف وحنان وحنين
    لو ابص ف عيونها انسى السنين بسنين
    عايزها تبقى بجد مخلوقة علشاني
    ان غبت تشتاقلي وان رحت تندهلي
    وان قلت تسمعلي من غير ما اقول تاني
    عايزها تفهمني ترضيني دنيا ودين
    عايز صفاتها ملاك مافيهاش ولا غلطة
    نبني الحياة مع بعض ونعيشها بمودة
    ممكن تشوفنا اتنين بس احنا روح واحدة
    تلقانا شيئ واحد بس اتقسم نصين
    لو يوم لقيت منها اعمل حساب اتنين




    لا تنسونا من دعائكم
    الفقير الي عفو ربه //طارق رجب محمد

  2. #2
    عضو مميز
    رقم العضوية : 32592
    تاريخ التسجيل : Feb 2010
    المشاركات: 355
    التقييم: 10
    الجنـس : Man

    افتراضي


    جميلة جدا يا طارق
    بس اعمل حسابي معاكم في ثالثة ينوبكوا ثواب
    يا رب ما تكون سمعاكم لتحـول حيـاتي عــــذاب
    جزاك الله خيرا

  3. #3
    عضو نشيط
    رقم العضوية : 26900
    تاريخ التسجيل : Dec 2009
    المشاركات: 31
    التقييم: 10
    الجنـس : Man

    افتراضي

    وجزاك خيرا كثيرا يا أخي الغريب
    سعدت وتشرفت بمرورك العطر وتعليقك الجميل
    بس انت كده هتعملنا مشاكل
    بعدين الاخوات ف نور اسلامنا يزعلوا

  4. #4
    عضو مميز
    رقم العضوية : 32592
    تاريخ التسجيل : Feb 2010
    المشاركات: 355
    التقييم: 10
    الجنـس : Man

    افتراضي


    ما تخافش مش هايزعلوا لإن ربنا بيقول في كتابه الكريم
    (وانكحوا ما طاب لكم من النساء مثنى وثلاث ورباع...
    ..... )وده أمر ربنا
    جزاك الله خيرا أخي الحبيب

  5. #5
    عضو نشيط
    رقم العضوية : 54260
    تاريخ التسجيل : Dec 2010
    المشاركات: 47
    التقييم: 10
    الجنـس : Woman

    افتراضي

    جميلة جدا خاصة الجزء الأخير لكن الحياة ما ينفعش تمر بوتيرة واحدة أكيد أكيد فى مسئولية وأولاد نشيل همهم مع الأزواج وهكذا سنة الحياة

  6. #6
    عضو مميز
    رقم العضوية : 175
    تاريخ التسجيل : Mar 2008
    المشاركات: 466
    التقييم: 10
    الدولة : مصر
    العمل : دكتور جامعي
    الجنـس : Man

    افتراضي

    الجزء الاخير شامل و موجز

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •