النتائج 1 إلى 5 من 5

الموضوع: ما محبه الا بعد علاوه ... مقال ساخر

  1. #1
    عضو متألق
    رقم العضوية : 3240
    تاريخ التسجيل : Jul 2008
    المشاركات: 2,530
    التقييم: 10
    الدولة : مصر ام الدنيا
    الجنـس : Woman

    Talking ما محبه الا بعد علاوه ... مقال ساخر



    ال بيقولك ال ايه خير اللهم ما اجعله خير ان فى حاله ثبات فى الاسعار وان مفيش لا غلاء ولا حاجه ابداااااا نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وال ايه كمان ان الناس الغلاويين بس هم ال بيحاولوا يعملوا حاله من البلبله واللخبطه وبيروجوا إشاعات ....... نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ومش اى اشاعات لاء دى إشاعات مغرضه ومحرضه وكمان محرجه (للحكومه طبعا ..) نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وان الحمد لله كله اخر تمام وزى الفل يا باشا والناس مش متضرره ولا مخنوقه ولا طالع ....روحها ولا حاجه..... نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ومحدش زعلان ولا حد متضايق ولا حد مش طايق نفسه ...ولا العنف بقى مسيطر ...ولا ان نسبه الطلاق والانتحار والاكتئاب زادت عن الحدود ولا حاجه ابدا من الكلام ده .....
    المشكله الوحيده الموجوده هى ان الشعب بيتبطر على الرزق
    وبيتلامض على الحكومه نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وبيشاغب فى الوزراء والمسؤلين الاكابر ال مبقاش حد فيهم عارف يسكت أصوات الشعب الجعان ابو عين فارغه
    الشعب ال بقى متمرد لانه مش لاقى ياكل سيمون فيميه ولا كافيار...ومش قادر يعيش من غير التفاح الامريكانى والشيكولاته السويسرى....شعب فقرى صحيح..!! نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    وشوف الافترا والجبروت بتاع الخلق..... يطلعلك كل شويه فى الصحف المعارضه والمعترضه تقولك ال ايه ؟؟
    ان فى ناس غلابه مش عارفه تجيب اللحمه ال بقت بكذا وقدره !!!!!
    لحمة ايه ال غليت ؟؟ ده كلالالالام؟؟ نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    الناس البسيطه بقى بتهيص فى الهيصه وما بتصدق ........قوموا يتجمهروا ويعملوا فيها سبع رجاله وينادوا بعمل إضراب ال ايه عشان الحكومه تحس وتراعى مشاعرهم .
    تقوم تطلعلك مظاهره تندد وتقول كلام مش تمام عن الحكومه وال ماسكينها .. نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    شويه ويعملولك اضراب كمان ..بعدها تلاقى وقفات احتجاجيه ...ودى طبعا عايزالها وقفه من الحكومه ....!!! نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    حتى بيقولك انه من كام يوم فى مظاهره كده من اياهم و كان فى تصوير تلفزيونى وبياخدوا تصريحات من المتظاهرين الغاضبين ...
    وفى تصريح لمواطن ندل لبعض" القنوات الفضاحيه" قال موجهاً كلامه لحكومتنا

    "حرام عليكم يا عالم ...حسوا بينا بقى شويه ده احنا اتبهدلنا خالص.. وللأسف خاب املنا فيكى ياحكومه ....واتوكسنا وكسه مايعلم بيها الا ربنا ...وكل ما نسمع تصريح يفرح القلب يطلع على فاشوش ارحمونا بقى من الغلاء فى الاسعاروياريت يتحطلها حد ..مش كل ما نشتكى تقوم الاسعار تزداد وتزداد بدون لا وقت.... ولا ميعاد...وكل شئ صغروه وقلوا وزنه وغلوا ثمنه والمطلوب ان المرتب ال هوه هوه محلك سر من زمن ال ايه !!يكفى كل الاحتياجات دى !!! طب ازاى؟؟ ومنين؟؟ وبكام...؟؟؟ "
    حتى انه من كتر الانفعال قطع هدومه ورقع حتته صوت تقولش حد مات له؟؟ نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    وقد قام السيد المسئول الجامد اوى بالرد عليه وصرح قائلاً : تؤتؤتؤ انا زعلان زعلان زعلالالان .........امال ولاد النيل ايه ؟؟ واحفاد فراعنه ازاى؟؟؟
    ومفيش مواطن واحد قادر يتحمل شويه عشان خاطر البلد خالص كده ؟؟؟
    الشعب ده اصبح متمرد كده ليه؟؟ومابيطمرش فيهم ال الواحد بيحاول يعملهولهم
    طيب المواطن ده بالذات بيستهبل وعامل فيها مطحون وغلبان وهو معندوش دم اساسا وبيطالب بمطالب غريبه اوى... ال ايه عايز ياكل لحمه !! طب والنقرس وامراض القلب والكوليسترول؟؟ مش خايف على نفسه ؟؟؟ نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    احنا بقى مهما كان ولاد بلد واحده ونخاف على مصلحه بعض والحكومه حطت خطه منظمه للحد من هذه الامراض المستعصيه فى البلد ..ويرجع يقولك الصحه متدهوره ...طيب ماهو من قلة الالتزام بخطة الحكومه..!! نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    ويعنى ايه عايز يعيش فى مستوى مادى كويس مرتاح؟؟؟
    طب والطبقه الكادحه و المعدمه تنقرض يعنى !! وتبقى البلد ناقصه طبقه!! ده كلام يرضى حد يعنى؟؟؟ نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    وال ايه كمان بيقولك المواطن ال معندوش دم ده بيطالب بزياده مرتبه !!!
    طب وهى الحكومه مثلاً قاعده على تل فلوس؟؟ وكل شويه هات هات هات؟؟
    الحكومه عندها التزامات جامده اوى واقساط تقطم الوسط كل شهر ...لازم المواطن يحط فى عينه حصوة ملح شويه...وان مالاقاش ملح ...يحط تراب اهو متوفر وببلاش..!!!

    وانتهى تصريح السيد المسئول على وعد منه انه ان شاء الله هايشوف الموضوع ده فى اول فرصه
    وهايتوسط للجماعه المواطنين عند اصحابه المسئولين الكبار بتوع الحكومه يصرفوا للمواطنين علاوه فوريه 30% كده ولا حاجه فى أقرب وقت..

    وان شاء الله كله هايبقى تمام وزى الفل....
    انا عن نفسى باقول .....يا جماعه لازم نكون معقولين شويه فى طلباتنا عشان محدش يقولنا كلمه كده ولا كده ماتعجبناش..
    ومش لازم نخنق على الحكومه اوى كده لحسن تهنج وتجيب جاز ..
    ماهى مش شطاره يعنى ان احنا نحط العقده فى المنشار ونتلكك لحكومتنا الرشيده ..... نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وفى الاخر احنا ملناش غير بعض..... يعنى صافى يا لبن حليب يا قشطه ...... ولازم نهاود ...ونصبر......على راى المثل "ما محبه الا بعد علاوه"

    المواطنه المهاوده \ يمنى حسن حافظ

  2. #2
    عضو متألق
    رقم العضوية : 16880
    تاريخ التسجيل : Jun 2009
    المشاركات: 1,176
    التقييم: 10
    الدولة : مصر
    العمل : طبيبه
    الجنـس : Woman

    افتراضي

    شعب طماع صحيح.........ده حتي لحم الاكلاب و الحمير مش عجباهم......
    يا عيني يا حكومه ........مهما عملتي ...........مابيعجبشي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    عضو مميز
    رقم العضوية : 46357
    تاريخ التسجيل : Aug 2010
    المشاركات: 51
    التقييم: 10
    الجنـس : Man

    افتراضي

    مش عارف اقول ايه والله

    شر البلية ما يضحك

    ربنا يتولانا برحمته

  4. #4
    عضو متألق
    رقم العضوية : 3240
    تاريخ التسجيل : Jul 2008
    المشاركات: 2,530
    التقييم: 10
    الدولة : مصر ام الدنيا
    الجنـس : Woman

    افتراضي

    منى ام ساره
    لحم كلاب وحمير ايه
    احنا عايزين ننقل على لحم اى حاجه تانيه ....


    عندك حق يا اخى the shadow

    شر البلية ما يضحك

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    عضو متألق
    رقم العضوية : 3240
    تاريخ التسجيل : Jul 2008
    المشاركات: 2,530
    التقييم: 10
    الدولة : مصر ام الدنيا
    الجنـس : Woman

    افتراضي

    اقتباس المشاركة الأصلية كتبت بواسطة القلب الكبير مشاهدة المشاركة
    مش عارف إيه قلة الرضا و عدم القناعة دي..... دا إحنا عندنا اللي مش عند أي شعب في العالم و اللي بيحسدنا عليه العالم أجمع........
    .....................
    ....................
    عندنا صبر و طولة بال و قوة تحمل و يمكن بلادة و تبلد مش عند أي حد و لسة بنضحك يا سبحان الله.... دي من عجايب الدنيا و ده طبعا بفضل حكومتنا اللي ربتنا و خلقت عندنا مناعة من كل شيء........ معقولة نتمرد بعد دا كله؟!!!!!!!!!!!!!!!!!!!!!!
    الاخ الكريم القلب الكبير
    فعلا نحسد على صبرنا وتماسكنا ال يغيظ
    حكومتنا حكومه رشيده ..وبتعاملنا بعز وجمال ...ومعاها بقينا ...شعب نظيف ومن صفوت المجتمعات ...وسمعتنا زى البدر.... نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •