النتائج 1 إلى 4 من 4

الموضوع: اه يا بلد

  1. #1
    عضو نشيط
    رقم العضوية : 26900
    تاريخ التسجيل : Dec 2009
    المشاركات: 31
    التقييم: 10
    الجنـس : Man

    افتراضي اه يا بلد

    أنا أول مرة أشترك معاكم بس أنا متابع منتديات نور إسلامنا من زمان
    وياريت كلامي يكون كويس ويعجبكم
    ***************
    بقول لأبويا يا ابويا انا ابن البلد دي
    قاللي اسكت يالا وما تعملش فيها عبيط
    واوعاك تقول بقي انك انت ابني
    انا رجلي حفيت م المشي جمب الحيط
    وامي تقول يا ابني ذاكر وفرحنا
    وسيبك من كلام اتقال كتييييييير قبلك
    وادي احنا اهو يا ابني تعب الكلام روحنا
    ويا ما شفنا واسأل بقيت أهلك
    بقولها يا اما جايز اكون موهوم
    ومهما اشيل ف هموم
    مش هبيع بلدي خلاص
    مالت وقالت
    ولا انت اخوانجي
    ولا مصاحب حد يابني شيوعي
    قولتلها وطني حزبي ديمقراطي
    ماليش صاحب غير حزني ودموعي
    اه يا بلد عاشقك وانا
    تحت التراب مدفون
    الكل رما طوبتك وانا
    قلبي حزين مرهون
    عايش ف ارضك انما
    رغم الحياة مسجون
    باكل وانام واشرب
    م الحزن كاس واهرب
    ويا ولاد عمي
    من صغري شفت مصايب
    لا حد قال عنك
    ولا حد شال همي
    مولود انا ببكي
    عايش حزين بشكي
    واشكي لمين غيرك
    مليت انا سجني
    وكرهت دور حزني
    واهو كله من خيرك
    شايف كبير البلد
    عايم وبيبلط
    تحته اهالي البلد
    تصرخ وبتعيط
    يضحك اوي سيادته
    ويقولهم صوتكو
    بقي ليكوا صوت يا بلد
    وديني لأطحنكوا
    لو فيكوا راجل جدع
    يقوم يكلمني
    واللي هيعمل جدع
    يبقي يقابلني
    ***********
    الفقير الي عفو ربه/ طارق رجب

  2. #2
    عضو متألق
    رقم العضوية : 8478
    تاريخ التسجيل : Jan 2009
    المشاركات: 1,289
    التقييم: 10
    الجنـس : Woman

    افتراضي

    أهلا و مرحبا بك معنا أخي الكريم في نور إسلامنا
    و ما شاء الله على هذه الكلمات التي تعبر عن حب مصر وطننا و عشقنا جميعا
    كلماتك تعبر عما يمكن أن يكون في قلب و فكر كل مصري محب لوطنه
    و تعبر عن واقع شعب مأسوف عليه لا يعي ما يحدث حوله
    كل الآباء و الأمهات إذا ما سمعوا كلمة ضد النظام يخافون على أبناءهم و يقولون امشي جنب الحيط
    لذلك خرج الجيل لا يعرف معنى الوطن ولا التضحية من أجله
    و فعلا الواقع كما قلت الكبير مش سايب حد يخرج نفس واحد معارض له

    بقي ليكوا صوت يا بلد
    وديني لأطحنكوا
    لو فيكوا راجل جدع
    يقوم يكلمني
    واللي هيعمل جدع
    يبقي يقابلني


    نقابله فين ان شاء الله لا نتقابل معه أبدا
    لأن بإذن الله مصيره جهنم و بئس المصير
    جزاكم الله خيرا أخي طارق على هذه الكلمات مؤثرة

  3. #3
    عضو نشيط
    رقم العضوية : 26900
    تاريخ التسجيل : Dec 2009
    المشاركات: 31
    التقييم: 10
    الجنـس : Man

    افتراضي

    جزاكي الله خيرا أختي الكريمة
    شاكر مرورك اختي نسائم
    اللهم ولي امورنا خيارنا ولا تولي امورنا شرارنا

  4. #4
    عضو متألق
    رقم العضوية : 10347
    تاريخ التسجيل : Mar 2009
    المشاركات: 1,161
    التقييم: 10
    الجنـس : Man

    افتراضي

    ولا انت اخوانجي
    ولا مصاحب حد يابني شيوعي


    هههههههههههههههه
    ولا انتا إخونجي .. قولي يلا انتا عرفتهم ازاي وقالولك ايه
    بقت الجريمة الشنعاء اللي بيتهموا بها كل مصري محترم دلوقتي
    جميل كلامك يا أخ طارق ربنا يبارك فيك وفي قلمك اللي وصل لقلوبنا سريعاً جداً
    كلام قريب مننا وخارج مننا وبيعبر عننا وعن الهم والحزن في قلبنا
    كلام سهل والكل بيفهمه وبيردده بينه وبين نفسه وساعلت زي ما قولت بينه وبين أهله المساكين
    كان تصويرك لكلام الأم جميل أوي ... ههههههههههه
    تعرف ان كل أم في مصر دلوقتي بتقول لإبنها لما بتشوفه بيعمل خير ولا بيفكر يصلح ويقول رأيه كدة
    جعلوا الناس جواسيس علي بعض وبيفضحوا بعض بقصد وبدون قصد .. مثل خطة الجاسوس في الزيني بركات
    ربنا يكرمك يا طارق يا رب ويجمعنا دائماً علي طاعته وتمتعنا بكلامك الجميل دة
    أه مقولتليش صحيح إنت إخوانجي ولا شيوعي ولا صاحب حق ؟؟؟؟
    بحبك في الله وهرجع أحب مصر

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •