نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



فى البعد قاعده لوحدها وسط الصحارى

ع البحر طلة بوجهها تتملى فيه

أجمل رمال تلاقيها فيها منورة

والبحر حاضن جمال جبالها

موجه يحاول يطول صخورها

ويرسم إسمه فى جبال عجيبه

صافى ورايق يبهر عنيك زى الفروز

الوان كتير متدرجه تسحر خيالك

أما الهوا حقولك ايه ياخد عقول

م الحزن تهرب لاحلى جنه فى احلى ليل

والنسمه دى تشفى العليل

تسرح معاها على هواها وتنسى نفسك

وانت مغمض تسمع الموجه توشوشك

تقول تعالى وهات حبيبك اتمتعو

أرسم صورتكو على صفحتى

واساميكو اكتب على رملتى

إنسى الهموم فى كل يوم بصحبتى

هنا مفيش غير النعيم

بحر وهوا متجمعين

مطروح دى جنه بَحِبها

طول عمرى بعشق هواها ويا بحرها

ووجودى فيها وسحرها

سكانها اطيب ناس حتقابلهم

عايشين بحالهم شاكرين خالقهم

أصل بلدهم غاليه عليهم

حافظين جميلها ماهو من جمالها

الناس بتيجى برزقهم

ولا ننسى مرة ايامنا فيها

ولا ذكرايتنا على شطهم