rd425n07sjcx4mjrvbu.gif

8zak322z902csi4gvfxm.gif

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

r6vi1czxg1aelujyfvrz.gif

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

 

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي




+ الرد على الموضوع
صفحة 1 من 19 1 2 3 11 ... الأخيرةالأخيرة
النتائج 1 إلى 10 من 187
  1. تكبير الخط تصغير الخط
    بتاريخ : 25-06-09 الساعة : 10:17 PM رقم #1

    افتراضي اخر البنات المحترمين


    عضو متألق




    رقم العضوية : 745
    عضو منذ : Mar 2008
    الدولة : مصر
    المشاركات : 3,767
    بمعدل : 1.53 يوميا


    السلام عليكم ورحمة الله وبركاته
    مجموعه من الحلقات يوميا ................... يوميات منى و احمد فى الصحوبيه

    اخر البنات المحترمين

    حكاية اتنين متصاحبين و ازاي الصحوبية بتاخدك خطوة بخطوة وراها و الشيطان بيزينها للناس من غير ما يحسو حتى الناس المحترمة عن طريق حكاية مني واحمد وازاي عرفو بعض وحبو بعض في حلقات
    يا رب تعجبكو

    يمكنك الرد هنا عبر حسابك في فيس بوك دون الحاجة للتسجيل بالمنتدى ( انتظر التحميل )




    اريج غير متواجد حالياً
    رد مع اقتباس
  2. تكبير الخط تصغير الخط
    بتاريخ : 25-06-09 الساعة : 10:21 PM رقم #2
    كاتب الموضوع : اريج

    عضو متألق




    رقم العضوية : 745
    عضو منذ : Mar 2008
    الدولة : مصر
    المشاركات : 3,767
    بمعدل : 1.53 يوميا


    اخر البنات المحترمين
    ا.رفيف الخميسى
    الحلقة الاولى








    المكان : كلية تجارة بأي جامعة في اي مكان في مصر


    الوقت :اول يوم في الدراسة

    الشخصيات:

    احمد امام : "سقيط كبير" شاب في الثالثة والعشرين ولازال في السنة الثالثة بالكلية.

    مني ممدوح : فتاة في الثامنة عشرمدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة

    محجبة.

    كريم : صديق احمد بالسنة الرابعة وهو طبعا اصغر من احمد.

    شيرين : صديقة كريم واحمد ,بالسنة الثالثة , قريبة لمني من بعيد.
    ********************

    حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية

    احمد وهو يلتفت بجسده وعينيه خلف فتاة تسير امامه نافثا دخان سيجارته

    احمد: الدفعة الجديدة شكلها جامد مووووت.

    كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي

    انت ناوي تنجح السنة ولا زي كل سنة.

    احمد: ايه السيرة الغم دي , النهاردة اول يوم , خليك خفيف كده عشان احبك.

    كريم: يييييييه اهي شيرين وصلت هخلع انا بقي عشان دي جايه كمان ومعاها واحدة صاحبتها.

    كاد احمد ان "يخلع" مع كريم ولكنه رأي ان الفتاة التي مع شيرين من الدفعة الجديدة , ورأي أن من واجبه كأقدم واحد

    بالكلية ان يستقبل الدفعة الجديدة التي طبعا كانت حلوة ورقيقة.
    *********************
    مني: انا خايفة يا شيري اني ميبقاليش اصحاب في الكلية.

    شيرين: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي الاصحاب فين .

    مني: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا اخواتي قالولي......

    شيرين: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان

    ليكي اصحاب صبيان في المدرسة.

    مني: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي, وبعدين انا مكنتش

    برضه معاهم اوي انا مبحبش الجو ده.

    شيرين بصوت خافت: انا قلت برضه انتي هتتعبيني.

    ثم بصوت عالي : ايه ده كريم وايمو اهم .......هااااااي.

    مني تصيح وهي تحاول اللحاق بشيرين التي توجهت نحو الشابين : انتي رايحة فين؟ مش كنا هنجيب الجدول بتاعي؟.
    *******************

    اقتربت الفتاتان من احمد لان كريم كان قد غادر , عدل احمد من هندامه كما يفعل كلما قابل وجه جديد

    ضربت شيرين بكفها علي كف احمد وهي تقول:

    شيرين : ايمووو انت فين ياراجل .

    رد عليها برتابة: في الدنيا هكون فين يعني ؟

    شيرين :ايه الغلاسة دي وبعدين كريم ماله كده جري زي الي عليه فلوس لحد .

    احمد: اصله افتكر واحد صاحبه كان مستنيه .

    شيرين : اه.

    احمد بتسبيل : مش تعرفينا .

    شيرين : لا مش هعرفك ,مش سكتك خالص على فكرة .

    شعرت مني بالحرج من الكلام الذي يدور وحاولت ان ترد بأي شيء فصمتت

    اخرجت شيرين تليفونها المحمول وطلبت رقماً:

    شيرين: ايوه يا واطي ..... جريت ليه اول ما شفتني ........يا راجل ...

    ومدت برجليها بعيدا قليلا عن احمد ومنى

    احمد: انتي بقي سنة اولي ؟

    احمد في رأسه* اكيد والا كنت شفتك .

    منى بخجل :اه

    منى في رأسها *يوه يا شيرين خلصي بقي.

    احمد: معاكي الجدول ولا اجيبهولك .

    مني وقد ارتبكت : لا ... ماهي شيرين هتيجي معايا... يعني ..هنشوفه .

    احمد: طب استني خليكي هنا.

    وانطلق كالصاروخ مغادرا اياها ,في نفس الوقت الذي انهت فيه شيرين المكالمة

    شيرين:الله؟ فين الواطي التاني؟

    منى : معرفش , قالي استني وجري و بعدين امسكى لسانك شويه ..


    شيرين: منى خاليكى كول يا ماما مفيهاش حاجه بلاش تحبكيها الحاجات دى دلوقتى مبقتش عيب سيبك دلوقتى قوليلى هو

    قالك انه راجع ولا قال ايه؟

    منى: مقالش حاجة يلا نمشي بقي.

    شيرين : لا استني اهه, ماله بيجري كده ليه ؟

    وصل احمد لاهثاً ومد يده بورقة الي مني

    احمد: اتفضلي يا ستي , جدول سنة اولي.

    نزعت شيرين الورقة من يده وهي تجذب يد منى بعيدا

    شيرين: متشكرين يا سيدي , بس ريح نفسك , قلتلك مش سكتك .

    اعترض طريقهم قبل ان تغادرا

    احمد : ايه ايه , رايحين فين ؟

    شيرين : انت مش جبت الجدول , يلا باي بقي البنت جديدة وهلففها في الكلية.

    تجاوزتاه وهو يتابعهما ببصره قائلا

    احمد : اجي معاكو.

    شيرين تهتف وهي تجر مني ورائها جراً

    شيرين : لا شكراً.

    ظل احمد يتابعهما ببصرة وهو يقول في نفسه

    *ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات التانية؟؟؟.

    مني وهي تكاد تركض خلف شيرين , التي انطلقت وكأن كلب يجري خلفها

    *ودا مين دا يعني الي شيرين خايفه عليا منه اوي كده , هي مش كانت بتقولي الناس هنا كلهم اصحاب عادي؟؟

    اريج غير متواجد حالياً
    رد مع اقتباس
  3. تكبير الخط تصغير الخط
    بتاريخ : 26-06-09 الساعة : 12:11 PM رقم #3
    كاتب الموضوع : اريج

    عضو متألق




    رقم العضوية : 115
    عضو منذ : Mar 2008
    الدولة : مصر
    المشاركات : 3,408
    بمعدل : 1.38 يوميا


    السلام عليكم و رحمة الله و بركاته
    مرحبا بقصة أخرى من القصص التي تأتينا بها
    بالنسبة لي كما تعلمين فالأخرى كانت ما أبحث عن مثيلاتها دائما
    و لكنني أتابع معك هذه القصة إن شاء الله
    و التي أشعر أنها ستتعرض لمشكلة مستفحلة في مجتمعنا
    و هي خروج فتاة بريئة و محترمة لعالم الجامعات الذي أصبح عالم غير مأمون في وقتنا هذا
    و تعرضها لأصدقاء السوء اللذين يودون جرها معهم للهاوية
    طبعا كما تعلمين هذه المشكلة تعرض لها الكثير و الكثير من الكتاب
    لذلك سنرى براعة الكاتبة هنا في أسلوبها لمعالجة الأمر
    فهل يا ترى ستعالجه بأسلوب مميز و مختلف ؟؟؟
    أم انه سيكون مكرر و مشابه لمن سبقها ؟؟؟
    طبعا لن نستطيع الحكم من أول حلقة
    لذلك ننتظر منك بقية الحلقات لنعرف ما ستكون عليه الأحداث و ماذا ستكون النتيجة
    هدف القصة واضح منذ البداية و هو هدف سام في حد ذاته
    و لكن كما أخبرتك كنت سأتفاعل مع القصة أكثر لو كانت باللغة العربية الفصحى
    عموما الكثير من الكتاب الآن يفضلون كتابة الحوار بين الأبطال بالعامية
    و أعتقد وجهة نظرهم أن هذا سيكون أقرب للشباب
    و هو أن يحادثونهم بلغتهم حتى يستطيعون التواصل معهم و جذبهم و إقناعهم بما يريدون توصيله لهم
    هذا لا يمنع أننا إن شاء الله سنستمتع بها
    و لكن كما قلت لا يمكن الحكم على عمل من أول حلقة
    لذا ننتظر البقية ...................

    مؤمنة بالله غير متواجد حالياً
    رد مع اقتباس
  4. تكبير الخط تصغير الخط
    بتاريخ : 26-06-09 الساعة : 12:17 PM رقم #4
    كاتب الموضوع : اريج

    عضو متألق




    رقم العضوية : 745
    عضو منذ : Mar 2008
    الدولة : مصر
    المشاركات : 3,767
    بمعدل : 1.53 يوميا


    اخر البنات المحترمين
    ا.رفيف الخميسى

    الحلقة الثانية




    لم ير احمد الفتاة مرة اخري وطبعا نسي فالدفعة مليئة بالوجوه الجديدة التي كان مشغولا بالتعرف عليها, فهو من أثارات

    كلية التجارة ,مضى حوالي الاسبوع الي ان لمحها تسير بين فتاتين تتوجهان قرب الكافيتيريا وقرب مكانه العتيد بجانبها.
    ******************

    لم تشغل منى بالها بما حدث هذا اليوم كثيرا ولكنها احتفظت بالجدول ,ورأت احمد عدة مرات بالكلية فهو لا ينفك يدور

    بالكلية يسلم علي اصدقائة من كل السنوات الدراسية , وكانت تشعر بالفضول كلما رأته خاصة والسلوك الغريب الذي

    انتاب شيرين حين حاول التعرف عليها .

    هاهو يقف بمكانه المعهود , لا ارجوكم دعونا لا نمر من جانبه , ييييه لقد رأني , تري ماذا سيفعل ؟, هل سيشيح بوجهه

    بعيد , يا ربي انه يبتسم.
    ******************

    ابتسم احمد فيما اقتربت الفتيات منه وهن مستغرقات في الحديث الا مني التي تعلقت عيناها بعينيه , فابتسم لها , اطلت

    من شفتيها ابتسامة مترددة ,فانتبهت صديقتها ان مني لا تسمعها فالتفتت لتري لمن تبتسم فقالت :

    سارة: ايمو ازيك؟

    احمد وهو لا يذكر اسم الفتاة التي تسلم عليه ولكن لم يبد عليه شيئاً

    احمد: الحمد لله , ازيك انتي ؟

    سارة:كويسة .

    نظر الي مني مباشرة في عينيها وقال :

    احمد: ازيك؟.

    تمتمت مني بشيء في خفوت معناه الحمد لله فقالت سارة

    سارة: ايه دا انتو تعرفة بعض؟

    منى :اه

    بينما قال احمد :لا

    فتورد وجهها احمراراً فسارع احمد يقول

    احمد : قصدي اتعرفنا علي بعض بس منعرفش اسامي بعض

    سارة: بسيطة ...احمد امام .....منى ممدوح.

    مد احمد يده *ايوه كده تمام

    احمد:فرصة سعيدة.

    مدت مني يدها بتردد* انا مبحبش الي بيسلمو بالايد

    مني : شكراً.

    ضغط احمد كفه برفق وفي سرعة على يدها اصابعها التي بالكاد لامست يده وتركها سريعا كأن لم يضغط مما جعل وجهها

    يحمر قليلاً

    احمد* اول مرة بنت تحمر عشان سلمت عليا

    منى *ايه الولد دا
    *****************

    بعد هذا اليوم بأيام رأي احمد منها , لم يرها صدفة , بل كان ينتظرها المدرج , وقد قارب موعد انتهاء محاضرتها , وقد

    لا حظ انها من هواة حضور المحاضرات, وهذا شيء غريب على غير الصف الاول في الكلية ,لم ينتظر كثيرا كان متوقفا

    مع "شلة" من اصحابه في السنة الثانية بالكلية اذ لا حظ نزول الصف وبينهم مني, لم يتحرك نحوها , بل توقف في مكان

    يراه فيه النازلين من المدرج , واثقا من انها ستراه فيه.

    رأت منى احمد , اول ما نزلت من المدرج وجدته امامها واقفا يضحك ويهزر بصوت عال مع اصدقائه , تعلقت عيناها به

    بينما قالت سارة

    سارة: الواد دا زي العسل انا يوم ماعرفته مبطلتش ضحك.

    قالت فتاة اخري معهما

    ميرنا: مين؟ ايمو؟ , دا زي القمر انا كنت هموت عليه في اول اسبوع بس قالولي مالوش في السن الصغير.

    سارة: انتي متعرفيش اصله كبير عننا اصلا دا بقالة ميت سنة بيسقط , قولي يمكن دلوقتى عنده 22 ,23 سنة.

    ميرنا: تعالي تعالي نسلم عليه.

    وتجاوزا منى متوجهتان صوب احمد , وهي كالمصدومة خلفهما , الي اين هما ذاهبتان , لا , سأنصرف انا.

    التفتت اليها سارة ملاحظة تجمدها في مكانها

    سارة: فيه ايه يا بنتي متنحة ليه ؟ اتحركي.

    مني: بصي يا سارة روحو انتو وانا هطلب الاوردر في الكافيتريا وانت تبقو تحصلوني اوكاي.

    سارة: طيب مش هنتأخر.

    وتوجهتا نحوه وسارة تسمع صوتهما :

    ايمو , ازيك .

    *انا ماليش دعوة عايزين يقفو معاه هما حرين انا ماليش في الناس الي بتسقط.

    وقف احمد مترقبا منى والحديث الذي يدور بين الفتيات من بعيد , يبدو انه عليه , فتعمد اعلاء صوته بالضحك والهزار ,

    جيد ,ها هن الفتيات يقتربن , ما هذا ؟ لماذا تسمرت منى؟ مالذي يحدث؟,لا لا لا الي اين هي ذاهبة؟

    يا الله , لقد ذهبت ,غلا الدم في عروقه , لقد دنت منه فتاتين لا يذكر اسمهما حتى , ما هذا الحظ؟.

    *ماشي يا مني بتحلقيلي انا هوريكي , مش انا الي يتعمل معاه كدة



    اريج غير متواجد حالياً
    رد مع اقتباس
  5. تكبير الخط تصغير الخط
    بتاريخ : 26-06-09 الساعة : 12:23 PM رقم #5
    كاتب الموضوع : اريج

    عضو متألق




    رقم العضوية : 745
    عضو منذ : Mar 2008
    الدولة : مصر
    المشاركات : 3,767
    بمعدل : 1.53 يوميا


    اقتباس المشاركة الأصلية كتبت بواسطة مؤمنة بالله مشاهدة المشاركة
    السلام عليكم و رحمة الله و بركاته
    مرحبا بقصة أخرى من القصص التي تأتينا بها
    بالنسبة لي كما تعلمين فالأخرى كانت ما أبحث عن مثيلاتها دائما
    و لكنني أتابع معك هذه القصة إن شاء الله
    و التي أشعر أنها ستتعرض لمشكلة مستفحلة في مجتمعنا
    و هي خروج فتاة بريئة و محترمة لعالم الجامعات الذي أصبح عالم غير مأمون في وقتنا هذا
    و تعرضها لأصدقاء السوء اللذين يودون جرها معهم للهاوية
    طبعا كما تعلمين هذه المشكلة تعرض لها الكثير و الكثير من الكتاب
    لذلك سنرى براعة الكاتبة هنا في أسلوبها لمعالجة الأمر
    فهل يا ترى ستعالجه بأسلوب مميز و مختلف ؟؟؟
    أم انه سيكون مكرر و مشابه لمن سبقها ؟؟؟
    طبعا لن نستطيع الحكم من أول حلقة
    لذلك ننتظر منك بقية الحلقات لنعرف ما ستكون عليه الأحداث و ماذا ستكون النتيجة
    هدف القصة واضح منذ البداية و هو هدف سام في حد ذاته
    و لكن كما أخبرتك كنت سأتفاعل مع القصة أكثر لو كانت باللغة العربية الفصحى
    عموما الكثير من الكتاب الآن يفضلون كتابة الحوار بين الأبطال بالعامية
    و أعتقد وجهة نظرهم أن هذا سيكون أقرب للشباب
    و هو أن يحادثونهم بلغتهم حتى يستطيعون التواصل معهم و جذبهم و إقناعهم بما يريدون توصيله لهم
    هذا لا يمنع أننا إن شاء الله سنستمتع بها
    و لكن كما قلت لا يمكن الحكم على عمل من أول حلقة
    لذا ننتظر البقية ...................
    وعليكم السلام ورحمة الله وبركاته
    كنت انتظر ردك بفارغ الصبر
    هى فعلا مختلفة عن القصة السابقة
    لا اقلل منها ولكن الاخرى كانت جديدة
    فى طرحها لمشكلة فعلا نعانى منها
    مشكلة الفهم الخاطىء للالتزام
    جديدة فى اسلوبها وفى احداثها حتى فى اصعب الاوقات تجربك ان تتفاعلى معها
    ولكن هذه القصة تعرض مشكلة مفيش حد دخل الجامعة مشفهاش
    وزى ما انتى قولتى
    يمكن تكون بالعامية عشان توصل للشباب اسرع
    هى طويلة اكتر من 90 حلقة
    وان شاء الله هتكون غير تقليدية
    فى البداية اعتقدت ان ستكون سيناريو مكرر
    ولكن تطور الاحداث ثبت لى عكس ذلك
    ويارب تنال اعجابكم

    اريج غير متواجد حالياً
    رد مع اقتباس
  6. تكبير الخط تصغير الخط
    بتاريخ : 26-06-09 الساعة : 12:28 PM رقم #6
    كاتب الموضوع : اريج

    عضو متألق




    رقم العضوية : 745
    عضو منذ : Mar 2008
    الدولة : مصر
    المشاركات : 3,767
    بمعدل : 1.53 يوميا


    اخر البنات المحترمين
    ا.رفيف الخميسى

    الحلقة الثالثة








    لم يغمض لاحمد جفن منذ ذلك اليوم, اولا هو لم يحاول اغواء فتاة من قبل , على الاقل منذ بضعة سنوات ,فهو "سمعته

    تسبقه" في كل مكان, ومنذ فترة لم يعييه الحصول على بنت , آلمه غروره , مع ان في الحقيقة لم يحدث امر يحرجه او

    يغضبه لان شيئا لم يحدث اصلا على الاطلاق , لكنه هو الوحيد الذي يعلم نيته ومراده , وقد جرح الامر كرامته امام نفسه

    فاقسم ان يصلح مظهره امام نفسه على الاقل.

    رأها , كانت جالسة وحدها , فرصة ذهبية , اقترب بخفة وجلس بجانبها على الكرسي , رفعت عينيها عن تليفونها

    المحمول الذي كانت تعبث به.
    ******************

    جلست منى تنتظر صديقاتها علي مقعد بالكلية, لم تكن الكلية مزدحمة يومها ولا كان عندها محاضرات اصلاً,

    شعرت بشخص يجلس على المقعد غير بعيد منها , فرفعت عينيها عن تليفونها فاذا به احمد , ارتجفت , مالذي اتي به ,

    اقتضبت ابتسامة سريعة علي فمها .
    ******************

    احمد: منى, ازيك؟

    منى: الحمد لله.

    احمد:قاعدة لوحدك ليه ؟

    منى:عادي.

    * قاعد انت جمبي ليه؟

    * انتي هتردي كل سؤال بالعافية.

    احمد : امال اصحابك فين؟

    منى : لسه مجوش.

    احمد: طب ما تيجي تقعدي معانا لحد ما ييجيو.

    مني : لا معلش هستناهم هنا عشان يلاقوني.

    * ايه البت الرخمة دي؟

    احمد: طب هقعد انا معاكي لغاية ماييجو.

    * ييييه ياريتني قلتله ماشي.

    منى: مبتشوفش شيري .

    احمد وقد انبسطت اساريره لفتحهها موضوع للتحاور

    احمد: لا والله من ساعة ما شفتها معاكي وهي مطنشاني , هي قريبتك؟

    منى : اه, من بعيد , هي طيبة اوي .

    احمد : فعلاً , هي بنت جدعة .

    ساد صمت محرج قليلاً

    *فكر ياواد يا ايمو متقعدش ساكت كده .

    *ايه يا مني ؟انتي خرسا ليه؟ عمرك ماكنتي رخمة كده ,فكي شوية اكيد حيقول عليكى معقده , بس انا عمرى ما اتكلمت

    مع ولاد كده .. ايه هو انا حتكلم كلام خارج ... ابوس ايديك انطقى قولى حاجه.

    مني: انا شفتها النهاردة .

    احمد :هي مين دي؟

    مني : شيري .

    احمد : اه فين؟

    مني : لمحتها عند البوابة الصبح.

    احمد التمعت عيناه , وقد اضائت فكرة برأسه

    احمد: لما تشوفيها تاني قوليلها اني عايزها ضروري , ولا اقولك رني عليا وانا اجي اقفشها.

    منى وقد فهمت مقصده وحاولت التهرب منه

    مني : اه حاضر, ان شاء الله

    * ايه ده , هى هتشتغلنى

    فقال مباشرة

    احمد: انتي معاكي نمرتي.

    شعرت مني انه اسقط في يدها فهزت رأسها نفياً ,فبكل بساطة مقصودة امسك تليفونها من بين يديها وسجل نمرته ورن

    على هاتفه وقال لها في "استعباط" تام

    احمد: اول ماتشوفيها رنيلي , انا همشي دلوقتي ماشي .

    وانصرف عنها وهي تكاد تغلى غضباً مما فعل

    * قشطة كدة.

    * ايه الواد البجح دا اللى انا عملته ده بس

    اريج غير متواجد حالياً
    رد مع اقتباس
  7. تكبير الخط تصغير الخط
    بتاريخ : 26-06-09 الساعة : 02:44 PM رقم #7
    كاتب الموضوع : اريج

    عضو متألق




    رقم العضوية : 3951
    عضو منذ : Aug 2008
    الدولة : المغرب
    المشاركات : 1,347
    بمعدل : 0.58 يوميا


    هههههههههه و الله بجح في انتظار البقية و بشغف

    لا يؤمن احدكم حتى يحب لاخيه ما يحب لنفسه

    امة الخالق غير متواجد حالياً
    رد مع اقتباس
  8. تكبير الخط تصغير الخط
    بتاريخ : 26-06-09 الساعة : 02:57 PM رقم #8
    كاتب الموضوع : اريج

    بنت نور اسلامنا




    رقم العضوية : 901
    عضو منذ : Apr 2008
    المشاركات : 8,474
    بمعدل : 3.45 يوميا


    جزاك الله خيرا يا أريج
    متابعين معك
    بارك الله فيك

    رباب محمد زياد غير متواجد حالياً
    رد مع اقتباس
  9. تكبير الخط تصغير الخط
    بتاريخ : 26-06-09 الساعة : 04:08 PM رقم #9
    كاتب الموضوع : اريج

    عضو متألق




    رقم العضوية : 115
    عضو منذ : Mar 2008
    الدولة : مصر
    المشاركات : 3,408
    بمعدل : 1.38 يوميا


    ايه منى الهبلة دي ؟؟؟؟؟؟!!!!!!!!!!
    لالالالالالالالالالا
    مش بحب الشخصيات الساذجة دي
    المشكلة ان القصة منقولة
    ما تناديلنا الكاتبة علشان نشوف شغلنا معاها هنا زي ما احنا متعودين

    مؤمنة بالله غير متواجد حالياً
    رد مع اقتباس
  10. تكبير الخط تصغير الخط
    بتاريخ : 26-06-09 الساعة : 06:47 PM رقم #10
    كاتب الموضوع : اريج

    عضو مميز




    رقم العضوية : 16311
    عضو منذ : Jun 2009
    الدولة : مصر
    المشاركات : 261
    بمعدل : 0.13 يوميا


    السلام عليكم ورحمة الله وبركاته
    قصه رائعه
    ((((((((((( واقعيه جدا )))))))))))))))))))))))))

    Iyasin غير متواجد حالياً
    رد مع اقتباس



معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك

Facebook Comments by: ABDU_GO - شركة الإبداع الرقمية
Search Engine Optimization by vBSEO 3.6.0 PL2