النتائج 1 إلى 5 من 5

الموضوع: اعراض سن الثلاثين

  1. #1

    رقم العضوية : 2580
    تاريخ التسجيل : Jun 2008
    المشاركات: 128
    التقييم: 10
    الدولة : الجيزة
    العمل : مدرسة
    الجنـس : Woman
    الهوايه : القراءة

    افتراضي اعراض سن الثلاثين

    اللهم اجعل الحياة زيادة لى فى كل خير واجعل الموت راحة لى من كل شر

    واعرف انى تورطت جدا
    واحرقت خلفى جميع المراكب
    واعرف انى سأهزم جدا
    ورغم الوف التجارب


    السلام عليكم يامنار
    السلام عليكم يا هالة

    النهاردة فاضل اقل من 100يوم على انى اوصل للثلاثين
    ولانى بدأت اعانى من الالام الروماتيزمية من فترة بالاضافة لضعف النظر
    حكم السن يعنى
    حبيت اكتب عن السن دا
    السن اللى الكل بيكره
    خاصة للبنات اللى لسة متجوزوش
    الثلاثين
    يااااااه
    كأن القطر مش بس فاتنى
    دا عدى على وفوق دماغى
    مش عشان خوف الاهل وقلقهم
    لا الموضوع اكبر من كدا
    دا عشان نظرتهم اللى اصبحت تحمل لينا عدم الكفاءة
    يعنى هما نفسهم شايفين ان البضاعة كسدت وهتقعد فى ارابيزهم

    بس انا هتكلم على انعاكسات دا فى نفسيتى انا
    تخيل اذا كنت سقطت وظيفيا من نظر العائلة اية احساسك بنفسك ومع الناس اللى برة
    مبقاش غير الاحترام اللى بنكسبه من شغلنا
    فتاكد لى ان من اعراض سن التلاتين
    الجدية فى الشغل
    الطموح العلمى
    الاهتمام بالوزن والصحة
    التركيز على رفع المستوى المادى

    لى صديقة دايما تعترض على بساطتى
    ضحكى الكتير وهزارى وعدم التزامى فى المواعيد
    فوعدتها من سنين انى لما اوصل للثلاتين
    زيها يعنى
    هبقى اعقل
    انا خايفة جدا انفذ الوعد دا
    زادت عندى اعراض مش عرفة موجودة عند باقى الثلاثينيات اللى زى ولا لا
    مش بعرف انام الا لما اطمن على ترابيس الباب مع انى زمان كان عادى وبنسى
    ببعدعن الناس مع انى انا قضيت سنين من عمرى فى سكن المغتربات
    بخاف من الاجتماعات وافضل الشغل يخلص فى المكالمات والورق
    مع ان هى نفسى انا انا اللى كانت تحب الحركة وتتعرف على ناس جديدة
    زادت اضطرابات النوم
    يتهيئلى دا معناه اكتئاب عميق
    بخاف من الناس
    بعد ما علمتنى كل الشخصيات العملية اللى قابلتنى فى حياتى
    انه نعجب بيكى اة
    نحبك ممكن
    انما نعطل نفسنا عشان خاطرك
    ابدا حتى لو هتموتى
    عادى بدات اتفهم
    فجاة حسيت ان فى حد جه من ورا ضهرى وسرق عمرى
    عشر سنين من عمرى
    حاسة انى اضحك على ومعملتش حاجة
    الا حاجة واحدة
    الخير
    لما تتصل بى طالبة عندى
    تقولى وحشتينى
    او لما الصدفة تجمع بينى وبين طالبة درست لها فى الاعدادى
    انا وهى فى كورس واحدة
    ولما احس ان فى بنات فى طالباتى اتخرجت من الجامعة
    اول دفعة علمتها اتخرجت السنة اللى فاتت
    بحس انى عايشة
    ولما يكلمنى
    راجل كبير يشجعنى
    احس ان لسة فى ناس مستنية منى اعمل حاجة
    وان قدامى عمر اعيشه وانتج
    حتى لو فقدت صلحيتى من وجه نظر كل اللى حوليا كأنثى


    الاطفال لسة عاملين لحياتى قيمة
    والرجالة الكبار اللى تطوعوا باعطائى لحظات من الابوة
    لسة بيدوا لحياتى قيمة
    وكأن فى اب مستنينى اعمل حاجة
    فهعمل علشانه اى حاجة
    يكلمنى من النرويج: قلت لازم اوصف لك الدنيا وهى بتمطر ثلج
    والشمس وهى طالعة فى الضلمة
    يكلمنى من لبنان: خلاص انفنا اتعود على رائحة البارود
    يكلمنى من المانيا:انا بياع شمس فى علب صفيح اقصد تخصصى دكتوراة فى الطاقة الشمسية

    بستنى انجح ليهم


    islam:
    مش كويس كرحاب

    islam :


    مش كدا

    islam :


    بس لما يكون فيه حد زى الجدار

    islam :


    كنا بنستخبى وراه

    islam :


    وبعدين نلاقى الجدار ده ورق

    islam :


    هنتصدم

    Rehab El-Tahan:


    انت حاسس كدا؟

    Rehab El-Tahan:


    حاسس ان كلامى بيقول ان انا ورق

    Rehab El-Tahan:


    على فكرة لو كدا يبقى لازم انشرة

    Rehab El-Tahan:


    لان الحياة مش بيمشيها الناس السوبر

    Rehab El-Tahan:


    بالعكس الحياة فيها مساحة لكل المنهكين واليائيسن انهم يحطوا بصمتهم هما كمان

    islam :


    وانتى ولا منهكة ولا يائسه

    Rehab El-Tahan:


    لا منهكة جدا

    Rehab El-Tahan:


    مجهدة نفسيا وجسديا

    Rehab El-Tahan:


    لكن بردو مصرة يبقى لى مكان تحت الشمس


    يا صاحبى عمرنا عمال بيجرى
    والسؤال .. عملنا اية لله
    حققنا اية؟ وساعدنا مين؟
    ومين مسحنا دمعته وشكواه؟
    ....
    ارمى فى بحر الحياة خيرك
    هيجى يوم ينقذ حياة غيرك
    ارسم على وش الامل بسمة
    خليك ايجابى
    وارسم معانا حياة



    خلينا نقوم نصلح اللى نقدر عليه
    متقلش لو عملنا هينوبنا بس اية؟؟
    انا وانت وغيرنا ياما
    لازم نسيب علامة فى بلادنا وبين ولادنا
    ودا خير الله يجازيه



    رحاب الطحان
    0120479875

  2. #2

    رقم العضوية : 2580
    تاريخ التسجيل : Jun 2008
    المشاركات: 128
    التقييم: 10
    الدولة : الجيزة
    العمل : مدرسة
    الجنـس : Woman

    افتراضي رد هالة

    وعليكم السلام يا رحاب

    أنا محسيتش خالص بأي أعراض من اللي بتقولي عليها دي

    بالعكس أنا كل ما الوقت يعدي كل ما أحس اني زي الطالب اللي قاعد في لجنة الامتحان و عاوز يطلع الأول على الفصل

    وكل ما دقيقة تمر يحس بالاستعجال أكتر وانه عايز يجاوب ويركز أكتر وأكتر و يموت نفسه في الإجابة

    و في نفس الوقت تعب وعاوز الامتحان يخلص بسرعة عشان يروح يرتاح و ينام قرير العين

    إحنا في الدنيا دي ضيوف مش اصحاب بيت

    و متفرقش الضيف قعد شوية ولا كتير

    المهم ساب إيه بعده نفتكره بيه

    وانتي بتعملي حاجات خير كتيرة تخلينا نتكلم عنك سنين طويلة

    ومشوارك لسه في أوله يا رحاب

    لسه عشر سنين على ماتوصلي لسن بدء الجهاد لحقيقي

    سن الأربعين اللي كل الأنبياء الكرام بدأوا فيه جهادهم

    وابتدت حياتهم الفعلية من السن ده

    لسه بدري يا رحاب

    ياريت الامتحان يخلص بسرعة عشان نرتاح

    بس على شرط نطلع الأوائل بإذن الله

    يارب نكون جميعا من الأوائل

    وكلنا نسبق في الخير

    أحبك في الله

    هالة


  3. #3

    رقم العضوية : 2580
    تاريخ التسجيل : Jun 2008
    المشاركات: 128
    التقييم: 10
    الدولة : الجيزة
    العمل : مدرسة
    الجنـس : Woman

    افتراضي رد مروة

    أتابعكن جميعا على هذه المجموعه الرائعه
    وشرفت بالتعرف على رحاب عن قرب بسبب هذا البريد
    والحقيقه من أجمل ما قرأت تعليق أختنا هاله
    جزاك الله عنا كل خير ما أروع ما ذكرت ووصفت
    رزقكن الله عمرا مديدا في طاعته ولقاء بربنا الكريم بعد طول عمر في اعمار ارضه
    اللهم آمين

  4. #4

    رقم العضوية : 2580
    تاريخ التسجيل : Jun 2008
    المشاركات: 128
    التقييم: 10
    الدولة : الجيزة
    العمل : مدرسة
    الجنـس : Woman

    افتراضي رد سعيد

    اشكرك جدا يا رحاب علي صراحتك وعلي الموضوع الجميل ده
    وانك ماحبتيش تخفي احساسك ومشاعرك من اعراض سن الثلاثين

    الحيقيه يا رحاب يمكن مش انتي لواحدك بس اللي بتعاني من المشكله دي انا كمان بعاني منها جدا تقريبا لسه ليه شهرين وهيبقي عندي 28 سنه وحاسس فعلا اني عجزت جدا من كتر المشاكل والهموم اللي بتقابل الواحد في حياته
    كان عندي امل كبير جدا وانا في الكليه اني اول ماخلص كليه بسنه او سنتين بالكتير هكون مرتبط ومتزوج علشان حاجات كتير جدا يمكن اهمها بالنسبه ليه اني كنت بتمني لما يكون ليه اولاد مايكونش فرق السن بيني وبينهم كبير علشان اقدر اتفاهم معاهم لاني بعاني من مشكله كبيرة في التفاهم مع والدي لان فرق السن بيني وبيه حوالي 40 سنه تخيلي بقي مدي المعاناه اللي بعانيه لان والدي عايزني اعيش بسن واحد عنده حوالي ستين وانا لسه في العشرينات

    بالمناسبه فيه لعبه علي الفيس بوك اسمها اعرف عمرك الحقيقي لعبتها وكنت عارف ان الاسئله دي او اللعبه لما اجاوب عليها هيطلع سني حوالي 40 او 50 لكن لما لعبتها البرنامج ربنا يسمحه قلي عمرك الحقيقي 80 نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعييعني مش كبير اوي

    للاسف يا رحاب ظروف المجتمع اللي احنا بنعيشها والمشاكل اللي بتقابلنا فيه فرضت علينا حاجات كتير جدا وتغييرات يمكن صعبه علي اي حد يستحملها ويفضل لسه متمسك بمابدئه
    مبدئيا موضوع سن الزواج اصبح من وجهة نظري شيء عادي يعني مثلا جارتنا اللي قدمنا فضلت مش متجوزه وقعده لواحدها في بيت والدها والدتها اللي اتوفم واخوها متزوج في نفس البيت فضلت يمكن لغايه سن الاربعين او اكتر بدون زواج وكانت بتصعب عليه جدا علي الرغم انها طيبه وجميله وتخيلي في فتره بسيطه جدا ربنا اذن ليها جالها شخص محترم جدا وبرده كبير في السن واتزوجم وخلفم واظن زمانهم الوقتي بقي عندهم طفلين كمان
    شخص اعرفه صديق ليه عنده حوالي 35 سنه مدرس وشقته جاهز وبيدور علي عروسه ومش لاقي وبيتمني انه يرتبط ولسه ما اذنلوش نصيبه بس ده برده يوم ما هيرتبط هيرتبط بواحده في سن كبير وسن التلاتين مش كبير ولا حاجه السن ده اصبح بظروف المجتمع اللي عايشينه هو سن العشرين
    لكن التحدي الحقيقي انك تعيشي بسن العشرين وانتي في سن التلاتين علي الرغم باني اوقات كتير بحس اني عجزت ومنتظر الموت وقضاء ربنا واني خلاص هسلم نمر وبقول حسن الختام نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي بس عارفه مع زمايلي واصحابي وكل اللي حواليه دايما بيبقي عندي امل وبتفائل وكمان ربنا سبحانه وتعالي اداني نعمه بحمده عليه اني ما اتمنتش حاجه الا وربنا حققهالي يمكن مش بتتحقق علي طول وبتتحقق بعد فتره بس ربنا برده كريم وبيديلي كل اللي بتمناه

    عارفه انا كل اللي خايف منه الوقتي ومرعوب ان البنت اللي اعجبت بيها وحسيت انها كويسه وممكن تكمل معايا طريقي حاسس انها رافضه فيه بعد الحاجات من وجهة نظرها لاني احترمتها ومحاولتش اتكلم معاها كتير واحكيلها عني غير حاجات بسيطه كانت السبب في انها تاخد انطباع عني غلط وعلي الرغم من اني طلبت منها فرصه تانيه علشان نتفاهم ويبقي فيه كلام رسمي علشان اتكلم معاها براحتي وقولها علي كل اللي جوايا وخايف جدا انها ترفضني لانها يمكن لو رفضتني مافكرش في موضوع الارتباط تاني او حتي علي الاقل في الفتره الحاليه بس برجع واقول ان موضوع الارتباط ده قسمه ونصيب وربنا مقدره ليه وواحد قالهالي مره نصك التاني مستنيك في مكان ما في العالم روح ودور عليه وانا مؤمن ان البنت دي لو نصيبي ربنا هيسرها ليه وهتكون ليه ولو في واحده تانيه من نصيبي ربنا مش هيسرلي البنت دي وهفضل كده لغايه ما ربنا يجبلي نصيبي لغايه عندي

    اخر حاجه هختم بيها كلامي مش مهم انتي عندك كام سنه لكن المهم انت عايشه بسن كام اوعي تضيعي سنين عمرك في حزن او هم او غم علشان نصيبك اتاخر او ان حاجه اتمنتيها ماحصلتنش استمتعي بالحياه في رضا الله لانها حياه قصيره ويوم القيامه الحياه هتعدي علينا كانها ساعه او عده سعات عشناها وهو ده الاهم مش عايزين نعيش الساعه دي في هم او حزن او حاله نفسيه سيئه عايزين نستمتع بكل لحظه في حياتنا ونحب بعض ونحب الناس كلها لان مش هيبقالنا غير الحب

  5. #5
    عضو جديد
    رقم العضوية : 11860
    تاريخ التسجيل : Mar 2009
    المشاركات: 1
    التقييم: 10
    الجنـس : Man

    افتراضي

    انا اسمى احمد يوسف ولسه جديد وقريت الموضوع ومعرفش رحاب بس انا اخدت ايميلها عن طريق معا وانا شخصيا استفدت منها كتيييييييير والله مع انى معرفهاش احب اقولها انها مش جدار من ورق لا بالعكس هى جدار صلب وانا شخصيا مبسوط جدااا انى استفدت منك اودعو الله ان يزيل عنك هذه وان شاء الله عمرك كله هيكون زروة الشبابوكفاية انك تشوفى البسمة فى عين اللى بتساعديهم واعرفى فعلا انهم بيشكروكى من قلبهم ونفسهم يكونو زيك

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •