النتائج 1 إلى 1 من 1

الموضوع: إوعى تشتري لاب توب مستعمل قبل ما تقرا الموضوع ده !!

  1. #1

    رقم العضوية : 1
    تاريخ التسجيل : Mar 2008
    المشاركات: 3,844
    التقييم: 10
    الدولة : مصر
    العمل : طبيب
    الجنـس : Man
    الهوايه : الأدب

    افتراضي إوعى تشتري لاب توب مستعمل قبل ما تقرا الموضوع ده !!

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    قبل ما تشتري أي لاب توب مستعمل, فيه كذا حاجة لازم تعملها عشان تتأكد إن الجهاز كويس و مافيهوش أي مشاكل.

    1- هتبدأ بالحاجات السهلة اللي مبتخودش وقت زي الكيبورد و ديه يستحسن إنك متستخدمش فيها أي برنامج, كل اللي عليك إنك تفتح ملف وورد و تجرب عليه كل زرار شغال ولا لأ و تتأكد إن كل الزراير راكبة كويس في مكانها و مش بتحتاج ضغطة قوية عشان تكتب

    2- بعد كدة هتجرب كل مداخل و مخارج الجهاز زي ال usb و ال VGA و ال DVD و أي مدخل غيرهم

    3- لو الجهاز فيه كاميرا, هتنزل أي برنامج ليها من الرابط دة
    https://download.cnet.com/chat-voip-email-webcam-video/
    و تتأكد إنها شغالة

    4- بالنسبة للشاشة فلازم تتأكد إن مافيهاش أي بقع بيضاء أو أي نقط سودة من خلال إنك تدخل عالموقع دة
    http://lcdtech.info/en/tests/dead.pixel.htm
    و تدوس start test و تقعد تتنقل ما بين الألوان لحد ما تتأكد إن الشاشة مافيهاش مشاكل


    5- لو الجهاز فيه كارت شاشة AMD أو Nvidia فكل اللي عليك إنك تنزل برنامج FurMark اللي في الرابط دة :
    https://geeks3d.com/dl/show/621
    و تختار الجودة على حسب قوة الكارت بتاعك و بعد كدة تدوس burn in - test و سيب البرنامج شغال من 15 ل 20 دقيقة. لو الشاشة معملتش أي رعشة أو الجهاز موقفش مرة واحدة أو مفصلش خالص يبقى كدة كارت الشاشة سليم و مافيهوش مشاكل
    و تقدر تتأكد من البروسيسور بنفس البرنامج, بس المرة دي دوس على cpu burner و إفتح ال task manager و إتأكد إن البروسيسور مستهلك 100% و إن الجهاز معملش أي مشكلة من اللي ذكرناها في كارت الشاشة


    6- بالنسبة للهارد فبلاش برنامج HD Sentinal لأن بعض التجار بيلعبو فيه و بيخلوا الهارد كأنو جديد. الأفضل إنك تنزل البرنامج اللي في الرابط دة
    https://www.hdtune.com/download.html

    و بعد ما تشغله دوس على Error Scan و دوس Start. لو البرنامج جاب أي نقطة حمراء يبقى كدة الهارد فيه مشاكل و لازم تغيره.

    التعديل الأخير تم بواسطة د. أحمد مراد ; 10-01-20 الساعة 06:21 PM

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •